കൊച്ചി ദുരിതാശ്വാസ ക്യാമ്പിൽ ജിമ്മിക്കി കമ്മൽ നൃത്തം കളിച്ച് ദുരിതത്തിൽ കഴിയുന്ന ആൾക്കാരെ രസിപ്പിച്ച ആസിയ ബീവി ഇനി വെള്ളിത്തിരയിൽ തിളങ്ങും. വാടക വീട്ടിൽ വെള്ളം കയറിയത് മൂലം ദുരിതാശ്വാസ ക്യാമ്പിൽ എത്തിയ ആസിയ ബീവി ആണ് കുട്ടികൾക്കൊപ്പം ഹിറ്റ് ഗാനത്തിന് നൃത്തം ചെയ്തത്. വീഡിയോ കണ്ടിട്ടാണ് കിസ്മത് എന്ന ചിത്രത്തിന്റെ സംവിധായകൻ ഷാനവാസ് ബാവക്കുട്ടി താൻ വിനായകൻ നായകനാക്കി സംവിധാനം ചെയ്യുന്ന ചിത്രത്തിൽ അഭിനയിക്കാൻ വിളിച്ചത്.
https://www.youtube.com/watch?v=78YCUJ0hRA8
വൈറ്റില ഹബ്ബിലെ ട്രാഫിക്ക് വാർഡൻ ആണ് ആസിയ ബീവി. എല്ലാം നഷ്ടപ്പെട്ടിരിക്കുന്നു മനുഷ്യർക്ക് തന്റെ നൃത്തം സന്തോഷം ഉളവാക്കിയങ്കിൽ അതിൽപരം സന്തോഷം വേറെ ഇല്ല എന്ന് ആസിയ ബീവി പറയുന്നു. മൂന്ന് കുഞ്ഞുങ്ങളുടെ അമ്മയാണ് ആസിയ ബീവി. ഭർത്താവ് സുഖമില്ലാതെ കിടക്കുകയാണ്. ആസിയ ബീവി ജോലി ചെയ്താണ് കുടുംബം നോക്കുന്നത്.
Post Your Comments