മോഹന്‍ലാല്‍ സിബി മലയില്‍ കൂട്ടുകെട്ടില്‍ ഉണ്ടായ വിജയ ചിത്രമാണ് കിരീടം. സേതുമാധവന്റെ കണ്ണീരില്‍ ചാലിച്ച ജീവിത കഥ പറഞ്ഞ ഈ ചിത്രം പുറത്തിറങ്ങിയിട്ടു 29വര്‍ഷങ്ങള്‍ ആയി.
സിബി ഈ ചിത്രത്തിന് ആദ്യം പേരിട്ടിട്ടില്ലായിരുന്നു. ചിത്രത്തിന്‍റെ രചന പുരോഗമിക്കുന്നതിനിടയില്‍ ഒരുനാള്‍, ലോഹിതദാസിനെ കാണാന്‍ സിബി മലയിൽ ഹോട്ടലില്‍ എത്തി. അവിടെ ചെന്നപ്പോള്‍ ആകെ വിഷമത്തിലിരിക്കുന്ന ലോഹിതദാസിനെയാണ് കണ്ടത്. ഐ.വി ശശിയോടൊപ്പം ലോഹിതദാസ് ചെയ്യുന്ന ആദ്യചിത്രത്തിന്‍റെ പേരിനെ ചൊല്ലി ഐ.വി ശശിയുമായി പിണങ്ങി നില്‍ക്കുകയായിരുന്നു.
മമ്മൂട്ടി-റഹ്മാന്‍-ഐ .വി .ശശി ചിത്രത്തിന് ലോഹി നല്‍കിയത് കിരീടം എന്ന പേരായിരുന്നു. പക്ഷേ ഐ.വി ശശിക്ക് ഈ പേര് ഇഷ്ടമായില്ല. പക്ഷെ കിരീടം എന്ന പേര് കേട്ടപ്പോള്‍ തന്നെ സിബി പറഞ്ഞു ‘ഐ.വി ശശിക്ക് വേണ്ടെങ്കില്‍ വേണ്ട, നമ്മുടെ ചിത്രത്തിനു അത് മതി’ . ഐവി ശശി മമ്മൂട്ടി ചിത്രത്തിന് മുക്തി എന്നായിരുന്നു പിന്നീട് നല്‍കിയ പേര്
Post Your Comments