മഴയുടെ ദുരിത കയത്തില്‍ മനുഷ്യര്‍ എന്ത് ചെയ്യണമെന്നറിയാതെ പകച്ചു നിന്നപ്പോള്‍ നിരവധിപ്പേരാണ് രക്ഷാപ്രവര്‍ത്തനത്തിനെത്തിയത്. നാവിക സേനയും മത്സ്യബന്ധന തൊഴിലാളികളും സംയുക്തമായി കൈ കോര്‍ത്തപ്പോള്‍ അനവധി ജീവനുകളാണ് കരയ്ക്കെത്തിയത്, മലയാളത്തിന്‍റെ യുവ സൂപ്പര്‍ താരം ടോവിനോയുടെ ഇടപെടലും പ്രശംസനീയമായിരുന്നു. ദുരിത ബാധിതര്‍ക്കായുള്ള ടോവിനോയുടെ ഓരോ നീക്കവും സോഷ്യല്‍ മീഡിയയില്‍ കയ്യടി നേടി. തൃശൂര്‍ ഇരിങ്ങാലക്കുട സ്വദേശിയായ ടോവിനോ കേരളത്തില്‍ അങ്ങോളമിങ്ങോളം ദുരിതം നേരിട്ടവരെ കൈ പിടിച്ചു ഉയര്‍ത്താന്‍ മുന്‍നിരയിലുണ്ടായിരുന്നു.
സോഷ്യല്‍ മീഡിയയിലെ പുതിയ ഹീറോ എന്നാണ് ടോവിനോയുടെ ഇപ്പോഴത്തെ വിളിപ്പേര്. ഗ്യാസ് കുറ്റി ചുമക്കാനും പച്ചക്കറി ചാക്ക് തോളിലെടുക്കാനും താരപരിവേഷം അഴിച്ചുവെച്ച് ടോവിനോ ജനങ്ങള്‍ക്കൊപ്പം നിന്നു.
Post Your Comments