പൃഥ്വിരാജ് ആദ്യമായി സംവിധാനം ചെയ്യുന്ന ചിത്രമാണ് ലൂസിഫർ. സൂപ്പർതാരം മോഹൻലാലിനെ പ്രധാന കഥാപാത്രത്തെ അവതരിപ്പിക്കുന്ന ചിത്രത്തിന്റെ തിരക്കഥ ഒരുക്കുന്നത് മുരളി ഗോപി ആണ്. ചിത്രത്തിന്റെ ആദ്യ ഘട്ടം പുരഗോമിക്കുകയാണ്. കമ്മാരസംഭവം എന്ന ചിത്രത്തിന് ശേഷം മുരളി ഗോപി തിരക്കഥ ഒരുക്കുന്ന ചിത്രം കൂടിയാണ് ലൂസിഫർ. ഇപ്പോൾ പുറത്തു വരുന്ന അഭ്യൂഹങ്ങൾ അനുസരിച്ച ചിത്രത്തിൽ പൃഥ്വിരാജ് ഒരു കഥാപാത്രത്തെ അവതരിപ്പിച്ചേക്കും എന്നാണ്.
ഒരു പൊലീസ് വേഷത്തിലാണ് പൃഥ്വി എത്തുന്നതെന്നാണ് അഭ്യൂഹം. ലൊക്കേഷനില്‍ നിന്നുള്ള ചില ചിത്രങ്ങള്‍ പ്രിഥ്വി അഭിനയിക്കുന്നുണ്ടെന്ന സൂചനകളെ ശരിവെക്കുന്നതാണ്. ഒരു താരം എന്ന നിലയിലും നടൻ എന്ന നിലയിലും മോഹൻലാലിനെ ഉപയോഗിക്കാൻ കഴിയുന്ന ചിത്രം ആണ് ലൂസിഫർ എന്നാണ് അണിയറ പ്രവർത്തകരുടെ വാദം.
ആന്റണി പെരുമ്പാവൂർ നിർമിക്കുന്ന ചിത്രത്തിൽ മഞ്ജു വാരിയർ ആണ് നായിക. വിവേക് ഒബ്റോയ്, ടോവിനോ തോമസ്, ഇന്ദ്രജിത്ത്, ഫാസില്‍, സാനിയ ഇയ്യപ്പന്‍ തുടങ്ങിയവരും പ്രധാന വേഷങ്ങളില്‍ എത്തുന്നു.
Post Your Comments