ഡയമണ്ട് നെക്ലസ് എന്ന സിനിമയിലൂടെ മലയാളികള്‍ക്ക് ലഭിച്ച നായികയാണ് അനുശ്രീ, നാട്ടിന്‍പുറത്തെ നായിക കഥാപാത്രങ്ങള്‍ക്ക് ഏറെ യോജിക്കുന്ന അനുശ്രീയുടെ മുഖം നിരവധി ഹിറ്റ് സിനിമകള്‍ക്കായി സംവിധായകര്‍ പ്രയോജനപ്പെടുത്തി കഴിഞ്ഞു.
വിവാദങ്ങളിലും അനുശ്രീയുടെ പേര് മുന്‍പന്തിയിലാണ്. അനുശ്രീ സംഘപരിവാറിനോട് അനുഭാവമുള്ളയാളെണെന്നുമൊക്കെയുള്ള ചിലരുടെ വിമര്‍ശനം നിലനില്‍ക്കെയാണ് വിജയ്‌ സൂര്യ ഫാന്‍സ്‌ പോരിലും താരത്തിന്‍റെ പേര് വലിച്ചിഴക്കപ്പെട്ടത്.
സൂര്യയുടെ പിറന്നാള്‍ ദിനത്തില്‍ കേക്ക് മുറിച്ച് ആഘോഷിച്ച അനുശ്രീ ‘പോക്കിരി സൈമണ്‍’ എന്ന വിജയ്‌ ആരാധകന്റെ ചിത്രത്തെയും തന്റെ പോസ്റ്റില്‍ പരമാര്‍ശിച്ചിരുന്നു, ഒന്ന് റിയലായിട്ടുള്ള താര സ്നേഹമെന്നും മറ്റൊന്ന് സിനിമയെന്നും പങ്കുവെച്ചു കൊണ്ടായിരുന്നു അനുശ്രീ സൂര്യയുടെ ബര്‍ത്ത്ഡേ ദിനം മനോഹരമാക്കിയത്. എന്നാല്‍ വിജയ്‌ ആരാധകര്‍ പോസ്റ്റ്‌ കണ്ടതോടെ അനുശ്രീയോട് ഇടയുകയും സംഗതി വഷളാകുകയുമായിരുന്നു.
സൂര്യ തന്റെ ജീവനാണെന്നും അടുത്ത ജന്മത്തില്‍ ജ്യോതികയായി ജനിക്കണമെന്നും അനുശ്രീ പറയുന്നു. പക്ഷെ സൂര്യ അടുത്ത ജന്മത്തിലും ജ്യോതികയെ തന്നെ കല്യാണം കഴിക്കണമെന്നും അല്ലെങ്കില്‍ തന്റെ പ്ലാന്‍ പാളിപ്പോകുമെന്നും അനുശ്രീ അടുത്തിടെ നല്‍കിയ ഒരു ടിവി ചാനല്‍ അഭിമുഖത്തില്‍ ചിരിയോടെ പങ്കുവെയ്ക്കുന്നു.
Post Your Comments