ഷാഹിദ് കപൂർ നായകനാകുന്ന “ബട്ടി ഗുൽ മീറ്റർ ചാലു” എന്ന ചിത്രം അതിന്റെ നിർമാണ ഘട്ടത്തെ ബുദ്ധിമുട്ടുകൾ കാരണം നേരത്തെ തന്നെ വാർത്തകളിൽ നിറഞ്ഞു നിന്നിരുന്നു. ഇപ്പോൾ എല്ലാ പ്രശ്നങ്ങളും അവസാനിച്ചു എന്ന് സൂചിപ്പിച്ചു കൊണ്ട് ഇന്നലെ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. തന്റെ ഇൻസ്റ്റാഗ്രാം അക്കൗണ്ടിലൂടെ ഷാഹിദ് തന്നെ ആണ് ചിത്രത്തിന്റെ പോസ്റ്റർ റിലീസ് ചെയ്തത്.
പോസ്റ്റർ ചിത്രത്തെ കുറിച്ച് ഒരുപാട് സൂചനകൾ നൽകുന്നു. ഇരുട്ടിൽ കഴിയുന്ന ഒരു നഗരം ഫ്യൂസ് ആയ ഒരു ബൾബിനു ഉള്ളിലൂടെ കാണിക്കുന്നത് ആണ് പോസ്റ്റർ. അതിനു പിന്നിലായി വലിയ തുക അടക്കാനുള്ള ഒരു കറന്റ് ബില്ലും കാണാൻ സാധിക്കും.
പോസ്റ്ററിനൊപ്പം ചിത്രത്തിന്റെ ട്രൈലെർ ഇറങ്ങുന്ന ദിവസവും ഇൻസ്റ്റയിലൂടെ ഷാഹിദ് പങ്കു വച്ച്. വെള്ളിയാഴ്ചയാണ് ചിത്രത്തിന്റെ ട്രൈലെർ പുറത്തു വരിക.
ശ്രീനാരായൺ സിംഗ് സംവിധാനം ചെയ്യുന്ന ചിത്രത്തിൽ യാമി ഗൗതം, ശ്രദ്ധ കപൂർ എന്നിവരും പ്രധാന വേഷങ്ങളിൽ എത്തുന്നു.
Post Your Comments