2013 ൽ പുറത്തിറങ്ങിയ സ്പൈ ആക്ഷൻ ത്രില്ലർ ചിത്രം ആയിരുന്നു കമൽഹാസൻ നായകൻ ആയി പുറത്തിറങ്ങിയ വിശ്വരൂപം. കമൽഹാസൻ തന്നെ നിർമിച്ചു സംവിധാനം ചെയ്ത ചിത്രം ഒരു വമ്പൻ ഹിറ്റ് ആയിരുന്നു. ഇപ്പോൾ ചിത്രത്തിന്റെ രണ്ടാം ഭാഗം റിലീസ് ചെയ്യാൻ പോവുകയാണ്. അതിനു മുന്നോടി ആയിട്ടാണ് ചിത്രത്തിന്റെ മേക്കിങ് വീഡിയോ അണിയറ പ്രവർത്തകർ പുറത്തു വിട്ടിരിക്കുന്നത്.
ആക്ഷന്‍ രംഗങ്ങള്‍ കൊണ്ട് സമ്പന്നമായ ഈ സിനിമയില്‍ ഡ്യൂപ്പിന്റെ സഹായം കൂടാതെ വളരെ അപകടകരമായ ആക്ഷന്‍ സീനുകള്‍ കമല്‍ കൈകാര്യം ചെയ്യുന്നുണ്ട്. ചിത്രത്തിലെ ആക്ഷൻ രംഗങ്ങൾ വളരെ ആസ്വദിച്ചാണ് ചെയ്തത് എന്നും ഇതിനു വലിയ വേദനകൾ സഹിക്കേണ്ടി വന്നുവെന്നും എല്ലുകൾക്കുൾപ്പെടെ വേദനയും ഒടിവും സംഭവിച്ചെന്നും പക്ഷെ ഇതിനു കിട്ടുന്ന കൈ അടി കാണുമ്പോൾ ഇതെല്ലം മറക്കും എന്നും കമൽ ഒരു അഭിമുഖത്തിൽ പറഞ്ഞിരുന്നു.
കമൽഹസന് പുറമെ ആൻഡ്രിയ, രാഹുൽ ബോസ് എന്നിവരും ആക്ഷൻ രംഗങ്ങളിൽ പ്രത്യക്ഷപ്പെടുന്നു. പരിക്ക് പറ്റിയ ആൻഡ്രിയയും വിഡിയോയിൽ കാണാൻ കഴിയും.ഓഗസ്റ്റ് 10 നാണു ചിത്രം തീയേറ്ററുകളിൽ എത്തുക. ആഗോള തീവ്രവാദത്തെ ഇല്ലാതാക്കാൻ ശ്രമിക്കുന്ന ഒരു കാശ്മീരി ജവാന്റെ കഥയാണ് വിശ്വരൂപം പറയുന്നത് .
Post Your Comments