ബോളിവുഡിലെ മുതിര്‍ന്ന നടന്മാരിലൊരാളായ അനില്‍ കപൂറിന്റെ പ്രസ്താവനയാണ് ഇപ്പോള്‍ ബി ടൗണിലെ ചര്‍ച്ച വിഷയം. “എന്റെ ജീവിതം സിനിമയാക്കിയാല്‍ ആരും അത് കാണില്ല, കാരണം ഞാന്‍ ഒരു തരത്തിലുള്ള വിവാദങ്ങളിലും ഉള്‍പ്പെട്ടിട്ടില്ല അതുകൊണ്ട് തന്നെ അത് വളരെയധികം ബോറായിരിക്കും” എന്നാണ് അനില്‍ കപൂര്‍ പറഞ്ഞിരിക്കുന്നത്.
നാറ്റ്‌കോണ്‍ 2018ന്റെ സമാപന സമ്മേളനത്തില്‍ സംസാരിക്കുകയായിരുന്നു അദ്ദേഹം.
താന്‍ പണത്തിന് വേണ്ടി സിനിമകളില്‍ അഭിനയിച്ചിട്ടുണ്ടെന്നും അതില്‍ ഇപ്പോള്‍ ഖേദിക്കുന്നുവെന്നും അദ്ദേഹം കൂട്ടിചേര്‍ത്തു. പുനെ ഫിലിം അക്കാഡമിയില്‍ തനിക്ക് അവസരം കിട്ടാതിരുന്നപ്പോള്‍ ശരിക്കും നിരാശ തോന്നിയെന്നും അഭിനയം പഠിക്കാന്‍ എഴുത്ത് പരീക്ഷയുടെ ആവശ്യം എന്താണെന്ന് മനസിലാകുന്നില്ലെന്നും അനില്‍ കപൂര്‍ അഭിപ്രായപ്പെട്ടു.
അടുത്തിടെ സഞ്ജയ് ദത്തിന്റെ ജീവിതത്തെ ആസ്പദമാക്കി പുറത്തിറങ്ങിയ സഞ്ജു എന്ന ചിത്രം വന്‍ വിജയമായിരുന്നു.
Post Your Comments