‘കായംകുളം കൊച്ചുണ്ണി’ ഓണ റിലീസായി പ്രേക്ഷകര്‍ക്ക് മുന്നിലെത്തുമ്പോള്‍ ചിത്രത്തിന്റെ വിശേഷങ്ങള്‍ പങ്കുവെയ്ക്കുകയാണ് തിരക്കഥാകൃത്തുക്കളായ ബോബി സഞ്ജയ്. ഇത്തിക്കര പക്കിയാണ് കായംകുളം കൊച്ചുണ്ണി എന്ന സിനിമയുടെ മറ്റൊരു പ്രധാന ആകര്‍ഷണം, കൊച്ചുണ്ണിയുടെ ഉറ്റ സുഹൃത്തായ ഇത്തിക്കര പക്കിയെ വെള്ളിത്തിരയില്‍ അവതരിപ്പിക്കുന്നത് മോഹന്‍ലാല്‍ ആണ്.
‘ഇത്തിക്കര പക്കിയുടെ കഥാപാത്രത്തെക്കുറിച്ച് എഴുതുമ്പോള്‍ മോഹന്‍ലാല്‍ ആണ് മനസ്സിലുണ്ടായിരുന്നതെന്ന് ബോബി സഞ്ജയ് ടീം പറയുന്നു. ഏറെ സാഹസികനായ ഒരാളാണ് ഇത്തിക്കരപക്കി, ഒരു മരത്തില്‍ നിന്ന് മറ്റൊരു മരത്തിലേക്ക് അനായാസം ചാടാന്‍ കഴിവുള്ള മനുഷ്യനായിരുന്നു അദ്ദേഹം. പൂര്‍ണ്ണമായും ഐതിഹ്യ കഥകളില്‍ നിന്ന് ഉള്‍ക്കൊണ്ടാണ് സിനിമയുടെ രചന നിര്‍വഹിച്ചിരിക്കുന്നത്. കൊച്ചുണ്ണിയുടെ കാമുകിയായിരുന്ന ‘ജാനകി’യുടെ കഥയും ചിത്രത്തില്‍ പരാമര്‍ശിക്കുന്നുണ്ട്’. ന്യൂ ഇന്‍ഡ്യന്‍ എക്സ്പ്രസുമായുള്ള അഭിമുഖത്തില്‍ ബോബി സഞ്ജയ് ടീം വ്യക്തമാക്കി.
Post Your Comments