ഞാൻ പറയുന്നതൊന്നും കേൾക്കാനുളള മൂഡിൽ അല്ലായിരുന്നു സിമ്പു; അന്ന് നടന്നതിനെക്കുറിച്ച് വിജയ്‌ സേതുപതി

തമിഴകത്തെ സൂപ്പര്‍ താരങ്ങളാണ് നടന്‍ സിമ്പുവും വിജയ്‌ സേതുപതിയും. സിമ്പു വിജയ്‌ സേതുപതിയ്ക്ക് ആഹാരം വാരിക്കൊടുക്കുന്ന ചിത്രം സോഷ്യല്‍ മീഡിയയില്‍ വൈറലായിരുന്നു. ആ ചിത്രത്തിന് പിന്നിലെ കാരണം വെളിപ്പെടുത്തുകയാണ് വിജയ്‌ സേതുപതി.

മണിരത്നത്തിന്റെ ചെക്ക ചിവന്ത വാനം ചിത്രത്തിന്റെ ഷൂട്ടിങ് സെറ്റിൽ നിന്നുളളതായിരുന്നു ആ ചിത്രം.. സിമ്പു എന്നെ നിർബന്ധിപ്പിച്ച് കഴിപ്പിക്കുകയായിരുന്നു. താൻ വേണ്ടെന്നു പറഞ്ഞിട്ടും സിമ്പു നിർബന്ധപൂർവം ഭക്ഷണം നല്‍കുകയായിരുന്നുവെന്നും ഫോട്ടോ എടുക്കരുതെന്ന് പറഞ്ഞിട്ട് സിമ്പു അത് കേട്ടില്ലെന്നും താരം പറയുന്നു. ഞാൻ പറയുന്നതൊന്നും കേൾക്കാനുളള മൂഡിൽ അല്ലായിരുന്നു സിമ്പു. പെട്ടെന്നാണ് ചിത്രം സോഷ്യൽ മീഡിയയിൽ വൈറലായത്. വിജയ്‌ സേതുപതി പറയുന്നു.