നീണ്ട ഇടവേളയ്ക്ക് ശേഷം മലയാളത്തിന്റെ പ്രിയ നടി മഞ്ജു വാര്യര്‍ നായികയായി തിരിച്ചെത്തിയ ചിത്രമാണ് ഹൗ ഓള്‍ഡ് ആര്‍ യൂ? റോഷന്‍ ആന്‍ഡ്രൂസൊരുക്കിയ ഈ ചിത്രം തമിഴിലും ഒരുങ്ങി. ജ്യോതികയായിരുന്നു തമിഴില്‍ കേന്ദ്ര കഥാപാത്രമായി എത്തിയത്.
സഞ്ജയ്‌ബോബി എന്നിവരുടെ തിരക്കഥയില്‍ ഇറക്കിയ ഈ ചിത്രത്തിന്റെ ഹിന്ദി പതിപ്പ് ഒരുങ്ങുകയാണ് എന്ന വാര്‍ത്തകള്‍ ഉണ്ടായിരുന്നു. മലയാളത്തില്‍ മഞ്ജു വാര്യര്‍ ചെയ്ത കഥാപാത്രം ഹിന്ദിയില്‍ വിദ്യാബാലന്‍ ചെയ്യുമെന്നായിരുന്നു റിപ്പോര്‍ട്ടുകള്‍. എന്നാല്‍ സംവിധായകന്‍ റോഷന്‍ ആന്‍ഡ്രൂസ് ഈ വാര്‍ത്തകള്‍ നിഷേധിക്കുകയാണ്.
ചിത്രത്തിന്റെ ഹിന്ദി പതിപ്പിനെ കുറിച്ച്‌ പുറത്തുവരുന്ന വാര്‍ത്തകള്‍ തെറ്റാണെന്ന് സംവിധായകന്‍ പറഞ്ഞു. നിലവില്‍ കായംകുളം കൊച്ചുണ്ണി എന്ന ചിത്രത്തിന്റെ വര്‍ക്കുകളിലാണ് താന്‍ അതിനു ശേഷം മറ്റൊരു പ്രൊജക്‌ട് ചെയ്യുന്നുണ്ടെങ്കിലും അത് ഹൗ ഓള്‍ഡ് ആര്‍ യുവിന്റെ ഹിന്ദി പതിപ്പാവില്ലെന്നും അദ്ദേഹം പറഞ്ഞു.
Post Your Comments