ബോളിവുഡിലെ സൂപ്പർ സ്റ്റാർ സഞ്‌ജയ്‌ ദത്തിന്റെ ജീവിത കഥ പറയുന്ന ചിത്രമാണ് ‘സഞ്ജു’. രൺബീർ കപൂറാണ് ചിത്രത്തിൽ സഞ്‌ജയ്‌ ദത്തിനെ അവതരിപ്പിക്കുന്നത്. റിലീസ് ചെയ്ത ഉടൻതന്നെ ചിത്രം ഇന്റര്‍നെറ്റില്‍ പ്രചരിച്ചു എന്നതാണ് പുതിയ വാർത്ത.
നിരവധി സോഷ്യല്‍ മീഡിയ ഉപയോക്താക്കള്‍ ടോറന്റ് ഡൗണ്‍ലോഡ് ലിങ്കിന്റെ സ്‌ക്രീന്‍ഷോട്ടുകള്‍ ഷെയര്‍ ചെയ്തിട്ടുണ്ട്. സിനിമയുടെ ഒരു എച്ച്‌ഡി പ്രിന്റ് ചോര്‍ന്നതായും ട്വിറ്റര്‍ ഉപയോക്താവ് അവകാശപ്പെടുന്നു. ആദ്യദിവസം തന്നെ ചിത്രം ഇന്റര്‍നെറ്റില്‍ ചോര്‍ന്നത് വിജയത്തെ തന്നെ ബാധിച്ചേക്കാം.
സാമൂഹ്യ മാധ്യമങ്ങളില്‍ വൈറലായതോടെ രണ്‍ബീറിന്റെ ആരാധകര്‍ ഇതിനെ പ്രോത്സാഹിപ്പിക്കരുതെന്ന് ആവശ്യപ്പെട്ട് രംഗത്തെത്തിയിരുന്നു .രാജ്‌കുമാർ ഹിറാനിയാണ് ചിത്രം സംവിധാനം ചെയ്യുന്നത്. വ്യത്യസ്ത ആറ് വേഷങ്ങളിലാണ് രണ്‍ബീര്‍ ചിത്രത്തില്‍ പ്രത്യക്ഷപ്പെടുന്നത്. സോനം കപൂര്‍, അനുഷ്‌ക ശര്‍മ, മനീഷ കൊയ്‌ലാള, പരേഷ് റാവല്‍, ദിയ മിര്‍സ എന്നിവരും പ്രധാന വേഷങ്ങളിലെത്തുന്നുണ്ട്. എ ആര്‍ റഹ്മാന്‍ ആണ് ചിത്രത്തിന് സംഗീതം നല്‍കിയിരിക്കുന്നത്.
Post Your Comments