ബോളിവുഡ് സിനിമാ ലോകത്തെയും ഇന്ത്യന്‍ സിനിമാ പ്രേമികളെയും ഞെട്ടിച്ച വാര്‍ത്തകളില്‍ ഒന്നായിരുന്നു അമിതാഭ് ബച്ചന്‍റെ അപകട വാര്‍ത്ത. ‘കൂലി’ എന്ന സിനിമയുടെ ചിത്രീകരണത്തിനിടെയായിരുന്നു ബിഗ്‌ബിക്ക് ഗുരുതരമായ അപകടം സംഭവിച്ചത്. വര്‍ഷങ്ങള്‍ക്ക് ശേഷം ആ സംഭവ കഥ വീണ്ടും പങ്കുവയ്ക്കുകയാണ് അമിതാബ് ബച്ചന്‍.
ബാല്‍താക്കറയുടെ കൃത്യമായ ഇടപെടലാണ് തന്റെ ജീവന്‍ രക്ഷിച്ചതെന്ന് ബിഗ്‌ബി പറയുന്നു. ബാല്‍താക്കറയുടെ സേനയുടെ നേതൃത്തിലുള്ള ആംബുലന്‍സിലാണ് തന്നെ ഹോസ്പ്പിറ്റലില്‍ എത്തിച്ചതെന്നും നല്ല മഴയുണ്ടായിരുന്ന ആ സമയം മറ്റു വാഹനങ്ങള്‍ ഒന്നും ലഭ്യമായില്ലെന്നും അമിതാഭ് ബച്ചന്‍ പറഞ്ഞു. 1982-ലാണ് സംഭവം നടക്കുന്നത്. ബാല്‍ താക്കറയുടെ ബയോപിക് ആയ ‘താക്കറെ’ എന്ന സിനിമയുടെ പ്രമോഷന്‍
ചടങ്ങിനിടെയായിരുന്നു ബാല്‍താക്കറയുമായുള്ള അനുഭവത്തെക്കുറിച്ച് അമിതാഭ് പങ്കുവെച്ചത്. ‘താക്കറെ’ എന്ന ചിത്രത്തില്‍ നവാസുദ്ദീന്‍ സിദ്ധിഖി ആണ് ടൈറ്റില്‍ റോളിലെത്തുന്നത്.
Post Your Comments