മലയാള ടെലിവിഷന്‍ ചരിത്രത്തില്‍ പുതിയ ആധ്യായം കുറിക്കാന്‍ ഒരുങ്ങുന്ന ബിഗ്‌ ബോസ് റിയാലിറ്റി ഷോയിലേക്ക് മലയാളത്തിലെ ഒരു പ്രമുഖ നടി ഉണ്ടെന്നാണ് വിവരം, ശ്വേത മേനോന്‍ മത്സരാര്‍ത്ഥിയായേക്കും എന്നാണ് ആദ്യ സൂചന.
പതിനാറ് മത്സരാര്‍ത്ഥികള്‍ പങ്കെടുക്കുന്ന ഷോയില്‍ മറ്റു നിരവധി പ്രമുഖരുടെയും പേരുകള്‍ പറഞ്ഞു കേള്‍ക്കുന്നുണ്ട്.
സൂര്യ ടിവി സംപ്രേഷണം ചെയ്തിരുന്ന മലയാളി ഹൗസ് എന്ന റിയാലിറ്റി ഷോയുമായി സമാനത പുലര്‍ത്തുന്ന ഷോയാണ് ബിഗ്ബോസ്. നൂറു ദിവസത്തോളം ഒരു വീട്ടില്‍ ക്യാമ്പ് ചെയ്യുന്ന മത്സരാര്‍ത്ഥികളുടെ ജീവിത രീതി ക്യാമറയില്‍ പകര്‍ത്തി പ്രേക്ഷകന് മുന്നില്‍ അവതരിപ്പിക്കും. ആഴ്ചയില്‍ രണ്ടു തവണ മോഹന്‍ലാലും ഇവര്‍ക്കൊപ്പമുണ്ടാകും. മത്സരാര്‍ത്ഥികളുടെ വിഷമങ്ങളും സന്തോഷങ്ങളും പങ്കുവേയ്ക്കാനായി പ്രത്യേകം സജ്ജമാക്കിയ മുറിയും ഷോയുടെ ഭാഗമാണ്. അവതാരകനായ മോഹന്‍ലാല്‍ എന്ന ബിഗ്‌ബോസിനോട് ഇവര്‍ക്ക് കാര്യങ്ങള്‍ ഷെയര്‍ ചെയ്യാം. പ്രേക്ഷകരുടെ വോട്ടിംഗിന് അനുസരിച്ചാണ് മത്സരാര്‍ത്ഥികള്‍ മുന്നേറുക. ഓരോ ആഴ്ചയിലും എലിമിനേഷന്‍ റൗണ്ട് ഉണ്ടാകും.
രഞ്ജിനി ഹരിദാസ്‌, ഹിമ ശങ്കര്‍, ശ്രീലക്ഷ്മി ശ്രീകുമാര്‍, അര്‍ച്ചന, തുടങ്ങിയവര്‍ ലേഡീസ് നിരയില്‍ നിന്നും മാറ്റുരയ്ക്കാനെത്തുമെന്നാണ് ഒടുവില്‍ ലഭിക്കുന്ന വിവരം.
Post Your Comments