മോഹന്‍ലാല്‍ പ്രിയദര്‍ശന്‍ ടീമിന്റെ കുഞ്ഞാലി മരയ്ക്കാരില്‍ വമ്പന്‍ താര നിര. ഇന്ത്യന്‍ സിനിമയിലെ പ്രധാന താരങ്ങള്‍ സിനിമയുടെ ഭാഗമാകും. കൂടാതെ ബ്രീട്ടീഷ് നടന്മാരെയും സിനിമയിലേക്ക് പരിഗണിക്കുന്നതായി സൂചനയുണ്ട്. ബോളിവുഡില്‍ നിന്നും ടോളിവുഡില്‍ നിന്നും താരമൂല്യമുള്ള നടന്മാരെ സിനിമയിലെത്തിക്കാനും ശ്രമം നടക്കുന്നുണ്ട്. കുഞ്ഞാലി മരയ്ക്കാര്‍ അറബിക്കടലിന്റെ സിംഹം മോഹന്ലാലിന്റെ കരിയറിലെ ഏറ്റവും വലിയ ചിത്രങ്ങളില്‍ ഒന്നായി മാറുമെന്നാണ് അണിയറ സംസാരം. മലയാള സിനിമയുടെ കാരണവര്‍ മധു ആയിരിക്കും കുഞ്ഞാലി മരയ്ക്കാര്‍ ഒന്നാമന്റെ വേഷത്തില്‍ സ്ക്രീനിലെത്തുക.
മമ്മൂട്ടി സന്തോഷ്‌ ശിവന്‍ ടീമിന്റെ കുഞ്ഞാലി മരയ്ക്കാര്‍ ചര്‍ച്ചയിലിരിക്കുമ്പോഴാണ് പ്രിയദര്‍ശന്‍ മോഹന്‍ലാലുമായുള്ള ചിത്രത്തെക്കുറിച്ച് അപ്രതീക്ഷിത പ്രഖ്യാപനം നടത്തിയത്. സന്തോഷ്‌ ശിവന്‍ കുഞ്ഞാലി മരയ്ക്കാര്‍ ഉടനെ ചെയ്യില്ല എന്ന് ഉറപ്പായതോടെ പ്രിയദര്‍ശന്‍ തന്റെ അടുത്ത പ്രോജക്റ്റ് ‘മരയ്ക്കാര്‍ അറബിക്കടലിന്റെ സിംഹം’ എന്ന് വെളിപ്പെടുത്തുകയായിരുന്നു. ഏതായാലും പ്രേക്ഷകര്‍ ആകംഷയിലാണ്, മമ്മൂട്ടിയായാലും മോഹന്‍ലാല്‍ ആയാലും സിനിമ പ്രേമികള്‍ കുഞ്ഞാലി മരയ്ക്കാര്‍ എന്ന ചരിത്ര പുരുഷനെ സ്ക്രീനില്‍ കാണാന്‍ കാത്തിരിക്കുകയാണ്.
Post Your Comments