കണ്ണൂര്‍: പോക്സോ കേസില്‍ യുവനടനെ അറസ്റ്റ് ചെയ്തത് സുഹൃത്തുകള്‍ തയ്യാറാക്കിയ തിരക്കഥയുടെ അടിസ്ഥാനത്തിലെന്ന് പരാതിയുമായി മാതാപിതാക്കൾ രംഗത്ത്. പരാതിയെ തുടര്‍ന്ന് ചെറുപുഴ സ്വദേശിയായ പി.എം.അഖിലേഷിനെ കഴിഞ്ഞമാസം ഇരുപത്തിനാലിന് പയ്യന്നൂര്‍ പൊലീസ് അറസ്റ്റ് ചെയ്തിരുന്നു. സിനിമയില്‍ അവസരം നല്‍കാമെന്ന് പറഞ്ഞ് പതിനേഴുകാരിയെ പീഡിപ്പിച്ചെന്നാണ് അഖിലേഷിനെതിരെയുള്ള കേസ്.
അഖിലേഷും സുഹൃത്തുക്കളും പരാതിക്കാരിയായ പെണ്‍കുട്ടിയും ഉള്‍പ്പെടെ സിനിമയുടെ ഓഡിഷന് പങ്കെടുത്തിരുന്നു. എന്നാല്‍ അഖിലേഷും സുഹൃത്തുക്കളും തമ്മില്‍ തര്‍ക്കവും സംഘര്‍ഷും ഉണ്ടായി. ഇതിന് ശേഷമാണ് പരാതിയുമായി പെണ്‍കുട്ടി പൊലീസിനെ സമീപിച്ചതെന്ന് മാതാപിതാക്കള്‍ പറയുന്നു. സംഭവത്തിലെ ഗൂഡാലോചന പുറത്തുകൊണ്ടുവരണമെന്നാവശ്യപ്പെട്ട് മുഖ്യമന്ത്രിക്കും ഡിജിപിക്കും മനുഷ്യാവകാശ കമ്മീഷനും പരാതി നല്‍കാനൊരുങ്ങുകയാണ് മാതാപിതാക്കള്‍ പറഞ്ഞു.
Post Your Comments