സിനിമാ ലോകത്തെ ഞെട്ടിച്ച വെളിപ്പെടുത്തലുകളാണ് തെലുങ്ക് നടി ശ്രീറെഡ്ഡി നടത്തിയത്. കാസ്റ്റിങ് കൗച്ചിനെക്കുറിച്ച് തുറന്നു പറഞ്ഞ ശ്രീറെഡ്ഡി നടന്‍ നാനി, ഗായകന്‍ ശ്രീറാം, നടന്‍ റാണാ ദഗ്ഗുബാട്ടിയുടെ സഹോദരന്‍ അഭിറാം ദഗ്ഗുബാട്ടി, സംവിധായകനും തിരക്കഥാകൃത്തുമായ ശിവ കൊര്‍ത്താല തുടങ്ങിവര്‍ക്കെതിരെ രംഗത്തെത്തിയിരുന്നു. ഇപ്പോള്‍ ശ്രീ പൊലീസ് സ്റ്റേഷനില്‍ വച്ച്‌ യുവ നടനെ മര്‍ദിച്ചന്ന് കേസ്. യുവ നടന്‍ ശ്രീശാന്തിനെ മര്‍ദിച്ചെന്ന പരാതിയിലാണ് ബഞ്ചാര ഹില്‍സ് പൊലീസ് നടിയ്ക്കെതിരെ കേസ് രജിസ്റ്റര്‍ ചെയ്തിരിക്കുന്നത്.
തെലുങ്ക് സിനിമയിലെ ഒരു ജൂനിയര്‍ നടി ശ്രീശാന്ത് തന്നെ ബലാത്സംഗം ചെയ്തു എന്നാരോപിച്ച്‌ പൊലീസില്‍ പരാതി നല്‍കിയിരുന്നു. ശ്രീ റെഡ്ഡിയുടെ നേതൃത്വത്തില്‍ സ്റ്റേഷനില്‍ എത്തിയാണ് പരാതി നല്‍കിയത്. ഈ പരാതിയില്‍ പൊലീസ് ശ്രീശാന്തിനെ സ്റ്റേഷനിലേക്കു വിളിച്ചുവരുത്തിയപ്പോള്‍ നടി മര്‍ദ്ദിക്കുകയായിരുന്നു. പൊലീസിനെ കൃത്യനിര്‍വഹണത്തില്‍ നിന്ന് തടസ്സപ്പെടുത്തിയതിനും ശ്രീ റെഡ്ഡിക്കെതിരെ കേസുണ്ട്. സിനിമയില്‍ അവസരം നല്‍കാമെന്ന് പറഞ്ഞ് പീഡിപ്പിച്ചുവെന്നാണ് യുവതി ശ്രീശാന്തിനെതിരേ നല്‍കിയ പരാതിയില്‍ പറയുന്നത്.
Post Your Comments