കേരളത്തിലും ഏറ്റവും ആരാധകരുള്ള തെന്നിന്ത്യന്‍ താരമാണ് വിജയ്. മെര്‍സലിനു ശേഷം വിജയ് ആരാധകര്‍ ഏറെ ആകാംക്ഷകളോടെ കാത്തിരിക്കുന്ന ചിത്രമാണ് ദളപതി 62. സംവിധായകന്‍ എ.ആര്‍ മുരുഗദോസും വിജയും വീണ്ടുമൊന്നിക്കുന്ന ഈ ചിത്രത്തിന്‍റെ ചിത്രീകരണ രംഗം ഇപ്പോള്‍ സമൂഹ മാധ്യമങ്ങളില്‍ വൈറലായിരിക്കുകയാണ്. വിജയ് ‘ബൈക്ക് സ്റ്റണ്ട്’ ചെയ്യുന്ന ഒരു രംഗമുള്‍ക്കൊള്ളുന്ന വീഡിയോയാണ് പ്രചരിക്കുന്നത്.
വിജയ് നഗരമധ്യത്തിലൂടെ ബൈക്ക് ഓടിച്ചു പോവുന്നതാണ് വീഡിയോയില്‍ കാണിച്ചിരിക്കുന്നത്. ചെന്നൈയിലെ പച്ചയപ്പ കോളേജിലാണ് മൂന്ന് ദിവസമായി ഈ രംഗത്തിന്റെ ചിത്രീകരണം നടന്നത്. സിനിമയുടെ ഷൂട്ടിങ് സെറ്റില്‍ ആരും മൊബൈല്‍ ഫോണ്‍ ഉപയോഗിക്കരുതെന്ന് വിജയ് ഉള്‍പ്പടെയുള്ളവര്‍ കര്‍ശനമായി പറഞ്ഞിരുന്നു. ഷൂട്ടിങ് ചിത്രങ്ങള്‍ വ്യാപകമായി സോഷ്യല്‍ മീഡിയയില്‍ പ്രചരിക്കുന്നത് തടയുന്നതിന്റെ ഭാഗമായിട്ടായിരുന്നു നിയന്ത്രണമേര്‍പ്പെടു ത്തിയിരുന്നത്. പക്ഷേ അതെല്ലാം മറികടന്ന് വീഡിയോ ഇപ്പോള്‍ വൈറലായിരിക്കുകയാണ്. സ്റ്റണ്ട് മാസ്റ്റര്‍ രാം ലക്ഷ്മണാണ് ചിത്രത്തിന് വേണ്ടി ആക്ഷന്‍ രംഗങ്ങള്‍ ഒരുക്കുന്നത്.
എആര്‍ മുരുകദാസ് സംവിധാനം ചെയ്യുന്ന ചിത്രത്തില്‍ പുതിയ ഗെറ്റപ്പിലാണ് താരം എത്തുന്നത്. കീര്‍ത്തി സുരേഷും വരലക്ഷ്മി ശരത്കുമാറുമാണ് ചിത്രത്തിലെ നായികമാര്‍. ദീപാവലി റിലീസ് ആയി ചിത്രം തിയേറ്ററുകളില്‍ എത്തും.
#Thalapathy62 Shooting Spot ! HD
Thalaivaaaaa @actorvijay ????? Vera Level.., ✌? pic.twitter.com/QQ2NK8edDt
— Mersal Remoツ (@MersalRemo) April 29, 2018
Post Your Comments