മലയാളത്തില്‍ നിരവധി നായികമാരെ സമ്മാനിച്ച സംവിധായകനാണ് ബാലചന്ദ്ര മേനോന്‍. സംവിധാനം, തിരക്കഥ, സംഭാഷണം, അഭിനയം തുടങ്ങി സിനിമയിലെ വിവിധ മേഖലയില്‍ പ്രതിഭ തെളിയിച്ച ഈ സംവിധായകന്‍ ശോഭന, നന്ദിനി തുടങ്ങി പല നടിമാരെയും മലയാളത്തിനു പരിചയപ്പെടുത്തി. മലയാളത്തിലും തമിഴിലും പേരെടുത്ത നായികയാണ് നന്ദിനി. മമ്മൂട്ടി , മോഹന്‍ലാല്‍ ,സുരേഷ് ഗോപി ,ജയറാം തുടങ്ങി നിരവധി താരങ്ങള്‍ക്കൊപ്പം വിജയ ചിത്രങ്ങളുടെ ഭാഗമായ നന്ദിനിയോട് അഞ്ചു വര്‍ഷത്തേയ്ക്ക് മറ്റു സിനിമകളില്‍ അഭിനയിക്കരുതെന്ന് ബാലചന്ദ്ര മേനോന്‍ നിര്‍ദ്ദേശിച്ചിരുന്നു.
ബാംഗ്ളൂര്‍ സ്വദേശിയായ നന്ദിനി സിനിമയിലേക്ക് ചുവട് വെക്കുന്നത് ബാലചന്ദ്രമേനോന്‍ സംവിധാനം ചെയ്ത ഏപ്രില്‍ 19 എന്ന മലയാള ചിത്രത്തിലൂടെയാണ്. ഈ ചിത്രത്തില്‍ അഭിനയിക്കാന്‍ വന്നപ്പോള്‍ നന്ദിനിക്ക് മുന്നില്‍ ബാലചന്ദ്രമേനോന്‍ വെച്ച കരാരാര്‍ ആയിരുന്നു അഞ്ചു വര്‍ഷത്തേക്ക് മറ്റുസിനിമകളില്‍ അഭിനയിക്കരുതെന്ന്. അതുകൊണ്ട് തന്നെ ഒരു തുടക്കക്കാരിയായ നന്ദിനിയ്ക്ക് ഇത്തരം ഒരു കരാര്‍ ബുദ്ധിമുട്ടുകള്‍ ഉണ്ടാക്കി. അക്കാലത്ത് ലഭിച്ച പല അവസരങ്ങളും നന്ദിനിയ്ക്ക് വേണ്ടെന്നു വയ്ക്കേണ്ടിവന്നു. ഇതിനെ തുടര്‍ന്ന് നിര്‍മ്മാതാവിന്റെ ഇടപെടലിനെ തുടര്‍ന്നാണ് ഈ കരാര്‍ മാറ്റിയത്. അതിനു ശേഷമാണു കാലമെല്ലാം കാതല്‍ വാഴ്ക എന്ന ചിത്രത്തില്‍ നന്ദിനി അഭിനയിച്ചതും.
Post Your Comments