നടി സുകന്യ വീണ്ടും മലയാളത്തിലേക്ക്. 90-കളിലെ മലയാള സിനിമയിലെ മുന്‍നിര നായികമാരില്‍ പ്രധാനിയായിരുന്ന സുകന്യ മലയാളത്തില്‍ അവസാനമായി അഭിനയിച്ചത് പ്രിയദര്‍ശന്റെ ‘ആമയും മുയലും’ എന്ന ചിത്രത്തിലാണ്.
‘തൂവല്‍ കൊട്ടാരം’, ‘സാഗരം സാക്ഷി’, ‘ചന്ദ്രലേഖ’ തുടങ്ങിയ ഹിറ്റ് ചിത്രങ്ങളില്‍ നായികയായ സുകന്യയുടെ മലയാളത്തിലേക്കുള്ള തിരിച്ചു വരവ് ‘കുപ്രസിദ്ധ പയ്യന്‍’ എന്ന മധുപാല്‍ ചിത്രത്തിലൂടെയാണ്. സിനിമയുടെ ചിത്രീകരണം വൈക്കത്ത് പുരോഗമിക്കുന്നു. ടോവിനോ തോമസ്‌ നായകനാകുന്ന ചിത്രത്തിലെ നായിക നിമിഷ സജയനാണ്. ചിത്രത്തിലെ മറ്റൊരു ശക്തമായ സ്ത്രീ കഥാപാത്രത്തെയാണ്‌ സുകന്യ അവതരിപ്പിക്കുന്നത്. മറ്റു സീനിയര്‍ താരങ്ങള്‍ക്കൊപ്പം മത്സരിച്ച് അഭിനയിച്ച് സിനിമയില്‍ സജീവമാകാനുള്ള ലക്ഷ്യവുമായിട്ടാണ് സുകന്യ മോളിവുഡിലേക്ക് എത്തുന്നത്.
Post Your Comments