തൊണ്ണൂറുകളില്‍ നായകനായി തിളങ്ങിയ മുകേഷ് സൂപ്പര്‍താര ചിത്രങ്ങളിലെ സ്ഥിര സാന്നിധ്യം കൂടിയായിരുന്നു. ജോഷി- മമ്മൂട്ടി കൂട്ടുകെട്ടിലെ പ്രാധാന ചിത്രങ്ങളിലെല്ലാം മുകേഷും ഉണ്ട്. തന്റെ ചിത്രങ്ങളില്‍ മുകേഷിന് മികച്ച വേഷം നല്‍കാന്‍ ജോഷി എപ്പോഴും ശ്രദ്ധിച്ചിരുന്നു. ശ്യാമ, ദിനരാത്രങ്ങള്‍, സംഘം, മഹായാനം, നായര്‍സാബ് തുടങ്ങിയവ ചില ഉദാഹരണങ്ങള്‍ മാത്രം. എന്നാല്‍ ജോഷി – മമ്മൂട്ടി കൂട്ടുകെട്ടില്‍ ഒരുങ്ങിയ സൂപ്പര്‍ഹിറ്റ് ചിത്രമായ ധ്രുവത്തില്‍ മുകേഷ് ഇല്ല. ഇതിനു പിന്നിലെ അണിയറക്കഥ ഇങ്ങനെ..
എസ് എന്‍ സ്വാമി രചിച്ച നരസിംഹ മന്നാഡിയരുടെ കഥ പറഞ്ഞ ചിത്രത്തില്‍ മമ്മൂട്ടി അവതരിപ്പിച്ച നരസിംഹ മന്നാഡിയരുടെ അനിയന്‍ വീരസിംഹനെ അവതരിപ്പിക്കാന്‍ ആദ്യം തീരുമാനിച്ചത് മുകേഷിനെ ആയിരുന്നു. പക്ഷേ ആ വേഷം മുകേഷ് നിരസിച്ചു. കാരണം അക്കാലത്ത് പത്തോളം ചിത്രങ്ങളില്‍ മുകേഷ് ആദ്യമേ കരാറായിരുന്നു. ഇതിനെ തുടര്‍ന്ന് ആ വേഷം മുകേഷിന് ഉപേക്ഷിക്കേണ്ടി വന്നു.
മുകേഷ് പിന്മാറിയതോടെ ആദ്യകാല നായകന്‍ റഹ്മാനെ ആ വേഷത്തിലേക്ക് പരിഗണിക്കാമെന്നും ഈ കഥാപാത്രം റഹ്മാന്റെ തിരിച്ചു വരവിനു കളമൊരുക്കുമെന്നും അഭിപ്രായം ഉയര്‍ന്നു. കൂടാതെ സുരേഷ് ഗോപിയടക്കമുള്ള താരങ്ങളെ ഈ വേഷത്തിലേയ്ക്ക് ആലോചിച്ചു. ഒടുവില്‍ വീരസിംഹന്‍ ആകാന്‍ അനുയോജ്യന്‍ ജയറാം ആണെന്ന് കണ്ടെത്തുകയും തീരുമാനിക്കുകയുമായിരുന്നു.
വിഷുവിനു നിരാശ സമ്മാനിച്ച് പൃഥ്വിരാജ്; ആരാധകര്‍ കാത്തിരുന്ന മൂന്നു ചിത്രങ്ങളുമെത്തില്ല!!
Post Your Comments