സിനിമ നടിയെ ആക്രമിച്ച കേസിലെ പ്രതിയായ മാര്ട്ടിന് നടി മഞ്ജു വാര്യര്‍ക്കെതിരെ ഇന്നലെയാണ് മൊഴി നല്‍കിയത്. കേസില്‍ ദിലീപിനെ കുടുക്കിയതാണ്. അതിന് പിന്നില്‍ അദ്ദേഹത്തിന്‍റെ മുന്‍ ഭാര്യ മഞ്ജു വാര്യര്‍, സംവിധായകന്‍ ശ്രീകുമാര്‍ മേനോന്‍, നടി രമ്യ നമ്പീശന്‍, നടനും നിര്‍മാതാവുമായ ലാല്‍ എന്നിവര്‍ക്ക് പങ്കുണ്ട്. നടനെ കുടുക്കിയതിന് പകരമായി മഞ്ജുവിന് ഒടിയനില്‍ അവസരം ലഭിച്ചു, മുംബെയില്‍ ഒരു ഫ്ലാറ്റ് സമ്മാനമായി കിട്ടി എന്നൊക്കെയാണ് മാര്ട്ടിന് പറഞ്ഞത്.
മാര്‍ട്ടിന്‍റെ ആരോപണത്തോട് പ്രതികരിക്കാന്‍ മഞ്ജു വാര്യര്‍ തയ്യാറായില്ല. പക്ഷെ വാര്‍ത്തകളെ പൂര്‍ണ്ണമായും നിരാകരിക്കുന്ന രീതിയിലാണ് അവര്‍ സംസാരിച്ചതെന്ന് അടുത്ത സുഹൃത്തുക്കള്‍ പറയുന്നു. മാര്ട്ടിന് പറയാന്‍ ഇനി എന്തൊക്കെ കഥകളുണ്ടാകും എന്ന് ചോദിച്ചപ്പോള്‍ മഞ്ജു പൊട്ടിച്ചിരിക്കുകയും ചെയ്തു.
Post Your Comments