ബാഹുബലിയിലെ ദേവസേന മലയാളത്തിലേക്ക്. പരോള്‍ സംവിധായകന്‍ ശരത് സന്ദിത്ത് സംവിധാനം ചെയ്യുന്ന പുതിയ ബഹുഭാഷ ചിത്രത്തിലൂടെയാണ് അനുഷ്ക മലയാളത്തില്‍ എത്തുക.
മമ്മൂട്ടി നായകനാകുന്ന സിനിമയുടെ ചിത്രീകരണം ഈ വര്‍ഷം പകുതിയോടെ തുടങ്ങും. തമിഴ്, തെലുഗു ഭാഷകളിലെ തിരക്കേറിയ നടിയായ അനുഷ്ക മലയാളത്തില്‍ ആദ്യമായാണ് അഭിനയിക്കുന്നത്.
അതൊരു ബിഗ്‌ ബഡ്ജറ്റ് സിനിമയായിരിക്കും. മമ്മൂട്ടിയെ നായകനാക്കി ചെയ്യാന്‍ ഉദ്ദേശിച്ച ആദ്യ സിനിമ പരോളായിരുന്നില്ല. അനുഷ്കയുടെ സമയക്കുറവ് മൂലമാണ് ആ ചിത്രം മാറ്റി വച്ചത് : ശരത് ഒരു മാധ്യമത്തിന് നല്‍കിയ അഭിമുഖത്തില്‍ പറഞ്ഞു.
തമിഴ്നാട്ടിലെ ഒരു പ്രശസ്ത എഴുത്തുകാരനാണ് തിരക്കഥ എഴുതുന്നത്. മമ്മൂട്ടി ആരാധകരെ മനസ്സില്‍ കണ്ടു കൊണ്ടുള്ള ഫിക്ഷന്‍ സിനിമയാണ് ഒരുക്കുകയെന്ന് സംവിധായകന്‍ പറഞ്ഞു.
Post Your Comments