ഇത് ബയോപിക് സിനിമകളുടെ കാലമാണ്. സച്ചിന്‍ ടെണ്ടുല്‍ക്കര്‍, മേരി കോം, മഹേന്ദ്ര സിംഗ് ധോണി എന്നി സിനിമകളുടെ പാത പിന്തുടര്‍ന്ന് മറ്റ് ചില ബയോപിക്കുകളും ബോളിവുഡില്‍ ഒരുങ്ങുകയാണ്. രാകേഷ് ശര്‍മയുടെ ജീവിത കഥ പറയുന്ന സല്യൂട്ട് ആണ് അതില്‍ ഏറ്റവും പ്രധാനപ്പെട്ടത്. ഷാരൂഖ് ഖാന്‍ ഇന്ത്യയുടെ ആദ്യ ബഹിരാകാശ സഞ്ചാരിയുടെ വേഷം ചെയ്യുമെന്നാണ് ഏറ്റവും പുതിയ വാര്‍ത്തകള്‍ സൂചിപ്പിക്കുന്നത്.
ഓഷോ രജനീഷിന്‍റെ കഥ പറയുന്ന സിനിമയാണ് ബയോപിക്കുകളുടെ നിരയില്‍ ഏറ്റവും പുതിയത്. കരണ്‍ ജോഹര്‍ സംവിധാനം ചെയ്യുന്ന സിനിമയില്‍ ആത്മീയാചാര്യനായി ആമിര്‍ ഖാന്‍ അഭിനയിക്കും എന്നാണ് സൂചനകള്‍. ഓഷോയായി രണ്‍വീര്‍ സിംഗ് അഭിനയിക്കുമെന്ന് നേരത്തെ കേട്ടിരുന്നെങ്കിലും ആമിറിനാണ് അണിയറപ്രവര്‍ത്തകര്‍ മുന്‍ഗണന കൊടുക്കുന്നത്.
ആത്മീയ ഗുരുവും ചിന്തകനുമായ ഓഷോയ്ക്ക് ലോകമെമ്പാടും അനുയായികളുണ്ട്. സ്ത്രീ പുരുഷ ബന്ധങ്ങളെ കുറിച്ചും ലൈംഗികതയെ കുറിച്ചുമൊക്കെ അദ്ദേഹം നടത്തിയ നിരീക്ഷണങ്ങള്‍ ഏറെ വിവാദങ്ങള്‍ സൃഷ്ടിച്ചിരുന്നു.
ആമിര്‍ നായകനായാല്‍ കരണ്‍ ജോഹറും മിസ്റ്റര്‍ പെര്‍ഫെക്ഷനിസ്റ്റും ഒന്നിക്കുന്ന ആദ്യ സിനിമ കൂടിയായിരിക്കും അത്. ഇന്ത്യന്‍ സ്വാതന്ത്ര്യ സമര പശ്ചാത്തലത്തില്‍ ഒരുങ്ങുന്ന തഗ്സ് ഓഫ് ഹിന്ദുസ്ഥാനാണ് ആമിര്‍ ഇപ്പോള്‍ ചെയ്യുന്ന സിനിമ.
Post Your Comments