ദുൽഖറിന്റെ നായികയായി മലയാള സിനിമയിൽ എത്തിയ താരമാണ് ഗൗതമി നായർ. പിന്നീട് ഫഹദിനൊപ്പം ഗൗതമി നായികയായി വന്നപ്പോള്‍ മലയാളികൾക്ക് താരത്തെ കൂടുതൽ പരിചിതമായി.
ആദ്യ ചിത്രത്തിന്റെ സംവിധായകൻ ശ്രീനാഥ് രാജേന്ദ്രനെയാണ് താരം വിവാഹം കഴിച്ചത്. വിവാഹത്തിന് ശേഷം ഇടവേളയെടുത്ത താരം പിന്നീട് പഠനത്തിൽ ശ്രദ്ധ കേന്ദ്രീകരിച്ചു. ഇപ്പോള്‍ അഭിനയത്തില്‍ മാത്രമല്ല പഠനത്തിലും തിളങ്ങാന്‍ കഴിയുമെന്ന്‍ തെളിയിച്ചിരിക്കുകയാണ് ഗൗതമി.
കേരള സർവ്വകലാശാലയുടെ എം എസ് സി സൈക്കോളജി പരീക്ഷയിൽ രണ്ടാം റാങ്ക് നേടിയിരിക്കുകയാണ് താരം.തിരുവനന്തപുരം വഴുതക്കാട് വിമെൻസ് കോളേജിലെ വിദ്യാർത്ഥിയായ ഗൗതമി 1800 ൽ 1456 മാർക്കാണ് വാങ്ങിയത്. അതേ കോളേജിലെ വിദ്യാർത്ഥിക്കാണ് ഒന്നാം സ്ഥാനം.
Post Your Comments