സിനിമ നടിമാര്‍ക്കെതിരെ ആരാധകര്‍ മോശമായി പെരുമാറുന്നത് ആദ്യമായിട്ടല്ല. അടുത്തിടെ ആന്ധ്രയില്‍ ഒരു ജ്വല്ലറി ഉത്ഘാടനത്തിനെത്തിയ തമന്നയ്ക്ക് ചെരുപ്പേറ് കിട്ടിയിരുന്നു. നടി അടുത്ത കാലത്ത് ചെയ്ത ചില മോശം വേഷങ്ങളോടുള്ള പ്രതിഷേധ സൂചകമായാണ് ചെരിപ്പ് എറിഞ്ഞതെന്നാണ് അന്ന് പിടിയിലായ പ്രതി പോലീസിനോട് പറഞ്ഞത്. സംഭവത്തെ തുടര്‍ന്ന് തമന്നയുടെ സുരക്ഷ കൂട്ടിയിരുന്നു.
ഒരു തമിഴ് ചിത്രത്തിന്‍റെ പ്രചാരണാര്‍ഥം കൊച്ചിയില്‍ എത്തിയപ്പോഴും തമന്നയ്ക്ക് സമാന അനുഭവമാണ് ഉണ്ടായത്. ആരാധകരുടെ പരിധി വിട്ടുള്ള പെരുമാറ്റത്തിനെതിരെ നടിക്ക് പൊട്ടിത്തെറിക്കേണ്ടി വന്നു. മേല്‍പറഞ്ഞ സംഭവങ്ങളെ തുടര്‍ന്ന് തമന്ന ആരാധകരോട് അധികം ഇടപെടാറില്ല. പക്ഷെ എന്നിട്ടും അവര്‍ക്ക് വീണ്ടും പഴയ അനുഭവമുണ്ടായി.
കഴിഞ്ഞ ദിവസം ഒരു മൊബൈല്‍ സ്റ്റോറിന്‍റെ ഉത്ഘാടനത്തിനെത്തിയ തമന്നയെ കാണാനായി നൂറു കണക്കിന് ആരാധകരാണ് കാത്തു നിന്നത്. ചടങ്ങിനു ശേഷം പുറത്തു വന്ന നടി ജനങ്ങളുടെ ആവേശം കണ്ടപ്പോള്‍ അന്തംവിട്ടു. അതിനിടയിലാണ് ഒരു ആരാധകന്‍ തമന്നയുടെ പേര് ഉച്ചത്തില്‍ വിളിച്ച് തുടര്‍ച്ചയായി ഫ്ലയിംഗ് കിസ്സ്‌ കൊടുത്തത്. തമന്നയും ഒട്ടും കുറച്ചില്ല. ആരാധകനെ അഭിവാദ്യം ചെയ്ത അവര്‍
തിരിച്ചും ഫ്ലയിംഗ് കിസ്സ്‌ കൊടുത്തു.
Post Your Comments