മലയാളികളുടെ എക്കാലത്തെയും ചിരി ചിത്രമാണ്‌ കിലുക്കം. പ്രിയദര്‍ശന്‍ മോഹന്‍ലാല്‍ കൂട്ടുകെട്ടില്‍ ഒരുങ്ങിയ ഈ ചിത്രം ഇന്നും ആരാധകര്‍ക്ക് പ്രിയമാണ്. ജഗതി, രേവതി താരങ്ങളുടെ സ്വാഭാവിക അഭിനയ മുഹൂര്‍ത്തമുള്ള ഈ ചിത്രം വിജയിക്കുമെന്ന് നിര്‍മ്മാതാവിന് വിശ്വാസം ഉണ്ടായിരുന്നില്ല. ഈ സിനിമ സംവിധാനം ചെയ്ത സംവിധായകൻ പ്രിയദർശന് ലഭിച്ച പ്രതിഫലം എഴുപതിനായിരം രൂപ മാത്രമാണ് എന്നത് കിലുക്കം സിനിമയുടെ ഒരു അണിയറ രഹസ്യം ആണ്. എന്നാല്‍ കിലുക്കം സംവിധാനം ചെയ്തതിലൂടെ പ്രിയദർശൻ നേടിയത് എട്ട് ലക്ഷത്തോളം രൂപയാണ്. അതെങ്ങനെയാണെന്ന് അറിയാമോ?
കിലുക്കം എന്ന ചിത്രത്തിന്റെ പ്രിവ്യു കണ്ട നിർമാതാവിന് ചിത്രം ഇഷ്ടപ്പെട്ടില്ലായിരുന്നു. കിലുക്കത്തിന്റെ കഥ എന്താണെന്ന് ചോദിച്ചാൽ തനിക്ക് അറിയില്ല എന്നാണ് നിർമ്മാതാവ് മോഹൻ പറയുന്നത്. എന്നാൽ സിനിമ വമ്പൻ ഹിറ്റ് ആയിരിക്കും എന്ന പ്രീയദർശന്റെ ഉറച്ച വിശ്വാസം തന്നെ ആയിരുന്നു ഇതിന്റെ വിജയത്തിന് പിന്നിൽ. ഇതേ വിശ്വാസത്തിൽ തന്നെ പ്രീയദർശൻ നിർമ്മാതാവ് മോഹനോട് ഒരു ഡിമാന്റ് വച്ചു. “ഒരു കോടിയലധികം കലക്ഷൻ കിട്ടിയാൽ കിലുക്കത്തിന്റെ അന്യഭാഷാ റൈറ്റ്സ് തനിക്ക് തരുമോ എന്ന് പ്രിയൻ നിർമാതാവ് മോഹനോട് ചോദിച്ചു.” അങ്ങനെ ഈ വിജയ ചിത്രത്തിന്റെ റൈറ്റ്സിന് വേണ്ടി തെലുങ്കിൽ നിന്നും ബോളിവുഡിൽ നിന്നും സ്വപ്ന വിലയും ആയി ആളുകളും എത്തി. അങ്ങനെയാണ് പ്രിയൻ കിലുക്കത്തിലൂടെ എട്ട് ലക്ഷം രൂപ സമ്പാദിച്ചത്.
ഗ്ലാമര്‍ രംഗത്ത് നിന്നും ആത്മീയതയിലേയ്ക്ക് പിന്‍മാറിയ നടിമാര്‍ !
Post Your Comments