ഇന്ദ്രൻസിന് മികച്ച നടനുള്ള അവാർഡ് നേടിക്കൊടുത്ത “ആളൊരുക്കം‍” സിനിമയുടെ ട്രെയിലർ പുറത്തിറങ്ങി

സിനിമയിലെ വസ്ത്രാലങ്കാര രം‌ഗത്തു നിന്ന് അഭിനയ രംഗത്ത് എത്തിയ നടനാണ് ഇന്ദ്രൻസ്. കൂടുതൽ സിനിമയിലും കോമഡി വേഷങ്ങൾ ചെയ്യ്ത അദ്ദേഹം മലയാളത്തിൽ 250 ലധികം ചിത്രങ്ങളിൽ അഭിനയിച്ചിട്ടുണ്ട്. ഇന്ദ്രൻസിന്റെ വളരെ വ്യത്യസ്തമായ ഒരു വേഷമാണ് നമ്മൾ ആളൊരുക്കം എന്ന സിനിമയിൽ കാണുന്നത് .മാധ്യമ പ്രവർത്തകനായ വി.സി. അഭിലാഷ് രചനയും സംവിധാനവും നിർവഹിച്ച് പുറത്തിറങ്ങിയ ഈ ചിത്രം ജോളിവുഡ് മൂവീസിനു വേണ്ടി ജോളി ലോലപ്പനാണ് നിർമ്മിച്ചിരിക്കുന്നത് . വളരെയേറെ സമകാലിക പ്രാധാന്യമുള്ള ഒരു വിഷയമാണ് ചിത്രം കൈകാര്യം ചെയ്യുന്നത്.ഓട്ടൻ തുള്ളൽ കലാകാരനായ പപ്പുപിഷാരടിയുടെ ഓർമയിൽ നിന്നുള്ള അനുഭവങ്ങളാണ് ചിത്രത്തിന്റെ ഇതിവൃത്തം. പതിനാറു വർഷം മുമ്പ് വീടുവിട്ടിറങ്ങിയ മകനെത്തേടി പപ്പു പിഷാരടി നടത്തുന്ന യാത്രയെക്കുറിച്ചാണ് ചിത്രം പറയുന്നത്. പപ്പു പിഷാരടിയായി വേഷമിട്ട ഇന്ദ്രൻസിന് 2017-ലെ മികച്ച നടനുള്ള സംസ്ഥാന ചലച്ചിത്രപുരസ്‌കാരം ലഭിച്ചിരുന്നു. കലാമണ്ഡലത്തിൽ നിന്നുള്ള വിദ്ഗദരായ കലാകാരന്മാർ ചിത്രത്തിനു വേണ്ടി ഇന്ദ്രൻസിനെ ഓട്ടൻതുള്ളൽ അഭ്യസിപ്പിച്ചിരുന്നു. ഈ ചിത്രത്തിൽ ശ്രീകാന്ത് മേനോൻ, അലിയാർ, വിഷ്ണു അഗസ്ത്യ, സീത ബാല, എസ്, ഷാജി ജോൺ, ശ്രീഷ്മ, ദീപക് ജയപ്രകാശ്, ബേബി ത്രയ, കലാഭവൻ നാരായണൻകുട്ടി, സജിത്ത് നമ്പ്യാർ, സജിത സന്ദീപ് എന്നിവരും അഭിനയിച്ചിരിക്കുന്നു.സാംലാൽ പി തോമസാണ് ചിത്രത്തിന്റെ ഛായാഗ്രഹണം നിർവ്വഹിച്ചിരിക്കുന്നത്.ചിത്രത്തിന്റെ ട്രെയിലർ കാണാം
https://youtu.be/8D5sUCckeOk

BANNER: JOLLYWOOD MOVIES
PRODUCER: JOLLY LONAPPAN
WRITER& DIRECTOR: V C ABHILASH