നീണ്ട ഇടവേളയ്ക്ക് ശേഷം മമ്മൂട്ടി രാഷ്ട്രീയ കുപ്പായമണിയുന്നു. സന്തോഷ്‌ വിശ്വനാഥന്‍ സംവിധാനം ചെയ്യുന്ന പുതിയ ചിത്രത്തില്‍ മുഖ്യമന്ത്രിയായാണ്‌ അദ്ദേഹം അഭിനയിക്കുന്നത്.
നേരത്തെ ബാലചന്ദ്രമേനോന്‍ സംവിധാനം ചെയ്ത നയം വ്യക്തമാക്കുന്നു എന്ന ചിത്രത്തില്‍ അദ്ദേഹം മന്ത്രിയായി അഭിനയിച്ചിട്ടുണ്ടെങ്കിലും മുഖ്യമന്ത്രി ആകുന്നത് ആദ്യമായിട്ടാണ്. ചിറകൊടിഞ്ഞ കിനാവുകള്‍ എന്ന സിനിമയിലൂടെ പ്രശസ്തനായ സന്തോഷ്‌ വിശ്വനാഥ് സംവിധാനം ചെയ്യുന്ന പുതിയ ചിത്രത്തില്‍ മമ്മൂട്ടിയുടെ കഥാപാത്രത്തിന്‍റെ പേര് സ.പി.വി എന്നാണ്.
ബോബിയും സഞ്ജയും തിരക്കഥ എഴുതുന്ന സിനിമ ആക്ഷേപ ഹാസ്യ ചിത്രമായാണ് ഒരുക്കുന്നത്. ഇരുവരും ആദ്യമായിട്ടാണ് മമ്മൂട്ടിക്ക് വേണ്ടി കഥയെഴുതുന്നത്. ഇത് മമ്മൂട്ടിക്ക് മാത്രം ചെയ്യാന്‍ പറ്റുന്ന വേഷമാണെന്നും അദ്ദേഹം സമ്മതിച്ചില്ലായിരുന്നുവെങ്കില്‍ പ്രോജക്റ്റ് ഉപേക്ഷിക്കുമായിരുന്നുവെന്നും സംവിധായകന്‍ പറയുന്നു.
Post Your Comments