ഇന്ത്യൻ സിനിമാ ലോകത്തെ ലേഡി സൂപ്പർ സ്റ്റാർ ശ്രീദേവിയുടെ മരണം ഏറെ നഷ്ടമാണ് സിനിമയിൽ ഉണ്ടാക്കിയത്.എന്നാൽ ശ്രീദേവിയുടെ സിനിമയിലേക്കുള്ള പ്രയാണവും ജീവിതവുമൊക്കെ വെള്ളിത്തിരയിലെത്തിക്കാൻ ഒരുങ്ങുകയാണ് ബോളിവുഡ് സംവിധായകൻ രാംഗോപാൽ വർമ എന്ന് വാർത്തകൾ പ്രചരിക്കുന്നുണ്ട്.
അദ്ദേഹം ഇക്കാര്യം ഔദ്യോഗികമായി പ്രഖ്യാപിച്ചിട്ടില്ലെങ്കിലും അദ്ദേഹത്തോട് അടുത്ത് നില്‍ക്കുന്ന വൃത്തങ്ങള്‍ ഇത് സംബന്ധിച്ച സൂചനകള്‍ നൽകുന്നു.ശ്രീദേവിയുമൊന്നിച്ച് ഒരു തെലുങ്കുചിത്രത്തിൽ രാം ഗോപാൽ വർമ അഭിനയിച്ചിട്ടുണ്ട്. ശ്രീദേവിയെ നായികയാക്കി രണ്ട് ചിത്രങ്ങൾ ഇദ്ദേഹം സംവിധാനം ചെയ്തിട്ടുണ്ട്.
ഇൗ ലോകത്ത് നിന്ന് പോയ ശ്രീദേവിയോടും അവരെകൊണ്ടുപോയ ദൈവത്തോടും ഒരുപോലെ ദേഷ്യം തോന്നുന്നുവെന്ന് താരത്തിന്റെ മരണവാർത്തയറിഞ്ഞ് രാംഗോപാൽ വർമ ട്വീറ്റ് ചെയ്തിരുന്നു. ശ്രീദേവിയുടെ മരണത്തെ തുടര്‍ന്ന് താരത്തിന്റെ ആരാധകര്‍ക്ക് രാംഗോപാല്‍ വർമ എഴുതിയ കത്ത് ഏറെ ചര്‍ച്ചചെയ്യപ്പെട്ടിരുന്നു. ശ്രീദേവിയുടെ വ്യക്തി ജീവിതവും സിനിമാജീവിതവും ഒരുപോലെ വരച്ചു കാട്ടുന്നതായിരുന്നു ആ കുറിപ്പ്.
Post Your Comments