മലയാളത്തിലെ പ്രിയ താരം മോഹൻലാലിൻറെ മകൻ പ്രണവ് തന്റെ ആദ്യ നായക ചിത്രത്തിന് ശേഷം വീണ്ടുമെത്തുന്നു.താരം അടുത്ത ചിത്രത്തിന് ഔദ്യോഗികമായി കരാ‍ർ ഒപ്പിട്ടിരിക്കുന്നു. സിനിമയുടെ ഔദ്യോഗിക പ്രഖ്യാപനം വൈകിട്ട് അഞ്ച് മണിക്ക് നടത്തും.
ജീത്തു ജോസഫിന്റെ പുതിയ ചിത്രം ആദിയിലൂടെയാണ് പ്രണവ് മലയാള സിനിമയിൽ സാന്നിധ്യമറിയിച്ചത്.ജീത്തു ജോസഫിന്റെ നായകനാകുന്നതിനു മുമ്പ് അദ്ദേഹത്തോടൊപ്പം രണ്ടു ചിത്രങ്ങളിൽ സഹ സംവിധായകനായി പ്രണവ് പ്രവർത്തിച്ചിരുന്നു.എന്നാൽ ആദിയിലെ കണ്ണഞ്ചിപ്പിക്കുന്ന ആക്ഷൻ രംഗങ്ങൾകൊണ്ടും സ്വാഭാവിക അഭിനയശേഷി കൊണ്ടും പ്രണവ് പ്രേക്ഷകരുടെ ഇഷ്ടം നേടി.
മലയാളത്തിലെ യുവസംവിധായകനാണ് പ്രണവിന്റെ അടുത്ത ചിത്രം ഒരുക്കുന്നത്. മലയാളത്തിലെ തന്നെ പ്രമുഖ നിർമാണ കമ്പനിയാകും നിർമാണം. സിനിമയുടെ മറ്റുവിവരങ്ങൾ പുറത്തുവിട്ടിട്ടില്ല. പുനർജനി എന്ന ചിത്രത്തിൽ ബാലതാരമായി സംസ്ഥാന പുരസ്‌കാരം നേടിയ പ്രണവ് മോഹന്‍ലാല്‍ ഒന്നാമൻ എന്ന ചിത്രത്തിൽ മോഹന്‍ലാലിന്റെ ചെറുപ്പകാലമായി അഭിനയിച്ചിരുന്നു.
Post Your Comments