രജനികാന്ത് നായകനാകുന്ന പുതിയ സിനിമയായ കാലയ്ക്ക് വേണ്ടി ലോകമെമ്പാടുമുള്ള ആരാധകര്‍ ആകാംക്ഷയോടെ കാത്തിരിക്കുകയാണ്. പാ രഞ്ജിത്ത് സംവിധാനം ചെയ്യുന്ന ചിത്രം ഏപ്രില്‍ 27നാണ് പ്രദര്‍ശനത്തിനെത്തുന്നത്.
സിനിമയില്‍ അംബേദ്‌ക്കറായി അഭിനയിക്കുന്നത് മമ്മൂട്ടിയാണെന്ന് നേരത്തെ വാര്‍ത്തകള്‍ ഉണ്ടായിരുന്നു. ജബ്ബാര്‍ പട്ടേല്‍ സംവിധാനം ചെയ്ത ഹിന്ദി സിനിമയില്‍ അദ്ദേഹം നേരത്തെ ഭരണഘടനാ ശില്‍പിയുടെ വേഷത്തില്‍ അഭിനയിച്ചിട്ടുണ്ട്. ആ ചിത്രത്തിലെ അഭിനയത്തിന് മലയാളത്തിന്‍റെ പ്രിയനടന് ദേശിയ അവാര്‍ഡും കിട്ടി. എന്നാല്‍ ഇപ്പോള്‍ മോഹന്‍ലാലിന്‍റെ പേരാണ് കാലയുടെ ഭാഗമായി പ്രചരിക്കുന്നത്.
സിനിമയുടെ വിക്കിപീഡിയ പേജില്‍ ലാലിന്‍റെ പേര് ഇതാദ്യമായി പ്രത്യക്ഷപ്പെട്ടു. അംബേദ്ക്കറായിട്ടാണ് അദ്ദേഹം സിനിമയില്‍ അഭിനയിക്കുന്നതെന്ന് വിക്കിപീഡിയ പറയുന്നു. മോഹന്‍ലാലിന്‍റെ ഭാഗങ്ങള്‍ നേരത്തെ ചിത്രീകരിച്ചെങ്കിലും അണിയറ പ്രവര്‍ത്തകര്‍ അത് രഹസ്യമാക്കിവച്ചതാണെന്നാണ് സൂചന.
ലാല്‍ നേരത്തെ ഉന്നൈ പോല്‍ ഒരുവന്‍ എന്ന സിനിമയില്‍ കമല്‍ ഹാസനോടൊപ്പം അഭിനയിച്ചിട്ടുണ്ടെങ്കിലും രജനിയുടെ കൂടെ ആദ്യമായാണ്‌. രജനിയോ സംവിധായകന്‍ രഞ്ജിത്തോ മലയാള സൂപ്പര്‍താരത്തിന്‍റെ സിനിമയിലെ സാന്നിദ്ധ്യത്തെ കുറിച്ച് പ്രതികരിച്ചിട്ടില്ലെങ്കിലും ഇരു സൂപ്പര്‍താരങ്ങളും ഒന്നിക്കുന്ന ആ സുവര്‍ണ്ണ നിമിഷത്തിനായി കാത്തിരിക്കുകയാണ് ആരാധകര്‍.
Post Your Comments