എം.ജി ശ്രീകുമാര്‍ എന്ന ഗായകന്‍ ഏറ്റവും കൂടുതല്‍ കടപ്പെട്ടിരിക്കേണ്ടത് മോഹന്‍ലാല്‍ എന്ന താരത്തോടാണ്. കാരണം മോഹന്ലാലിന്റെ ചിത്രങ്ങളിലെ ഗാനമാണ് എം.ജി ശ്രീകുമാറിന്റെ ജനപ്രിയ ഗായകനാക്കി മാറ്റിയത്. മോഹന്ലാലിന്റെ ശബ്ദത്തിനു ഏറ്റവും അനുയോജ്യനായ ഗായകനാണ് എം.ജി ശ്രീകുമാര്‍. മോഹന്‍ലാല്‍ ചിത്രങ്ങളിലെ എം.ജിയുടെ പാട്ട് ദേശീയതലത്തില്‍ വരെ ശ്രദ്ധ നേടുകയും ചെയ്തു.
ഇരുവരും ഒന്നിച്ചുള്ള കോളേജ് ടൈമിലെ ഒരു രസകരമായ കഥ പങ്കിടുകയാണ് എം.ജി ശ്രീകുമാര്‍. അമൃത ടിവിയുടെ ലാല്‍സലാം ഷോയിലായിരുന്നു എം,ജി ശ്രീകുമാര്‍ മോഹന്‍ലാലുമൊന്നിച്ചുള്ള ഭൂതകാല അനുഭവകഥ വിവരിച്ചത്.
എം.ജി ശ്രീകുമാര്‍ ആര്‍ട്സ് കോളേജിലും, മോഹന്‍ലാല്‍എം.ജി കോളേജിലുമാണ് പഠിച്ചത്. എം.ജി കോളേജിലെ പെണ്‍കുട്ടികളെ കമന്റ് അടിച്ച എനിക്ക് അന്ന് മോഹന്ലാലിന്റെ വക ഒരു താക്കീത് കിട്ടിയെന്നും എം.ജി ശ്രീകുമാര്‍ പറഞ്ഞു. ഇനി ആ ഏരിയയില്‍കണ്ടാല്‍ നല്ല അടി കിട്ടുമെന്നായിരുന്നു മോഹന്ലാലിന്റെ മറുപടി.
മോഹന്‍ലാലിനെ ആദ്യമായി കണ്ട ആ അനുഭവത്തെക്കുറിച്ച് എം.ജി ശ്രീകുമാര്‍ വിവരിച്ച് തീര്‍ന്നതും, അപ്പോള്‍ആ ഒരു അടി നിങ്ങള്‍ക്ക് ബാക്കി കിടക്കുന്നുണ്ടെന്നായിരുന്നു മോഹന്ലാലിന്റെ കമന്റ്.
Post Your Comments