ബോളിവുഡില്‍ വലിയ വിവാദങ്ങള്‍ക്ക് ഇടയാക്കിയ ചിത്രമാണ്‌ പത്മാവത്. രാജസ്ഥാനിലെ രജപുത്ര രാജവംശത്തെ മോശമായി ചിത്രീകരിച്ചിരിക്കുന്നുവെന്ന് ആരോപിച്ച് കര്‍ണി സേനയുടെ നേതൃത്വത്തിലായിരുന്നു പ്രതിഷേധം. ഇതുമായി ബന്ധപ്പെട്ടു മൗനം പാലിച്ചിരുന്ന ബോളിവുഡ് താരങ്ങള്‍ പലരും ചിത്രത്തിനോടുള്ള അവരുടെ നിലപാട് വ്യക്തമാക്കി കഴിഞ്ഞു. സഞ്ജയ്‌ ലീല ബന്‍സാലിയെ അനുകൂലിച്ചും പ്രതികൂലിച്ചും പലരും രംഗത്ത് വന്നു, പത്മാവത് സിനിമയുടെ ബന്ധപ്പെട്ടുള്ള ഷാരൂഖിന്റെ നിലപാട് എന്തായിരിക്കുമെന്ന് ആരാധകരും ഉറ്റു നോക്കിയിന്നു. ഇപ്പോഴിതാ ഷാരൂഖും തന്റെ നിലപാട് തുറന്നു പറഞ്ഞിരിക്കുകയാണ്.
ഷാരൂഖിന്റെ വാക്കുകള്‍ ഇങ്ങനെ
ചില സന്ദര്‍ഭങ്ങളില്‍ പ്രതികരിയ്ക്കാതിരിക്കുന്നതു തന്നെയാണ് ഉചിതം എന്നാണ് എന്റെ അഭിപ്രായം, പദ്മാവത് വിഷയത്തില്‍ ഒരു ബോളിവുഡ് താരങ്ങളും പേടിച്ച് ഒളിച്ചതല്ല, ആളുകള്‍ പറയുന്നതെന്താണ് കുറച്ചു സിനിമകളിലഭിനയിക്കണം, പണമുണ്ടാക്കണം എന്നതില്‍ കവിഞ്ഞ് ബോളിവുഡ് താരങ്ങള്‍ക്ക് മറ്റൊരു ചിന്തയില്ലെന്നാണ്. അത് ശരിയല്ല. സാമൂഹിക പ്രതിബദ്ധതയുള്ളവരാണ് ഞങ്ങള്‍.
ഒരു ദേശീയ മാധ്യമത്തിനു നല്‍കിയ അഭിമുഖത്തിലായിരുന്നു ഷാരൂഖിന്റെ പ്രതികരണം.
Post Your Comments