ടെലിവിഷന്‍ പ്രേമികള്‍ക്ക് പരിചിതയാണ് എയര്‍ടെല്‍ പരസ്യത്തിലെ യുവസുന്ദരി. 4ജി ഗേള്‍ എന്ന് വിളിക്കുന്ന യുവമോഡല്‍ സാഷ ചേത്രി നായികയായി എത്തുന്നു. തെലുങ്ക് സിനിമയിലൂടെയാണ് ചേത്രിയുടെ അരങ്ങേറ്റം. പ്രമുഖ സംവിധായകന്‍ സായ്കിരണ്‍ അദിവിയുടെ പുതിയ ചിത്രത്തിലൂടെയാണ് സാഷയുടെ സിനിമാ പ്രവേശനം.
കെരിന്ത എന്ന ഹിറ്റ് ചിത്രത്തിന് പിന്നാലെയാണ് സായ്കിരണ്‍ പുതിയ ചലച്ചിത്രസംരംഭവുമായി എത്തുന്നത്. യുവാക്കളെ ത്രസിപ്പിക്കുന്നതായിരിക്കും ചിത്രമെന്നാണ് വിവരം.ഓഡിഷന്‍ വിജയകരമായി പൂര്‍ത്തിയാക്കിയ സാഷയെ സംവിധായകന്‍ നായികയായി നിശ്ചയിക്കുകയായിരുന്നു. നേരത്തേ കട്ടി ബട്ടിയെന്ന ഹിന്ദി ചിത്രത്തിന്റെ ക്ലൈമാക്സില്‍ ചെറിയൊരു രംഗത്തില്‍ സാഷ പ്രത്യക്ഷപ്പെട്ടിട്ടുണ്ട്.
Post Your Comments