സൂപ്പര്‍ താരം വിജയിടെ മെര്‍സല്‍ എന്ന ചിത്രത്തിന് ശേഷം നിത്യമേനോന്‍ വീണ്ടും മലയാള സിനിമയില്‍ സജീവമാകുകയാണ്. ആരാധകരെ അതിശയിപ്പിക്കാന്‍ ഒരുങ്ങുന്ന നിത്യയുടെ പുതിയ കഥാപാത്രം സ്വവര്‍ഗാനുരാഗിയുടെതാണ്. ആദ്യമായാണ് നിത്യ ഇത്തരമൊരു വ്യത്യസ്ത കഥാപാത്രത്തെ അവതരിപ്പിക്കാന്‍ ഒരുങ്ങുന്നത്. തന്‍റെ ഇന്‍സ്റ്റഗ്രാമിലൂടെ പുതിയ ചിത്രങ്ങള്‍ പങ്കുവെച്ചതാണ് ആരാധകര്‍ക്കിടയില്‍ നിത്യയെ വീണ്ടും താരമാക്കിയിരിക്കുന്നത് . സ്വവര്‍ഗാനുരാഗിയുടെ റോളിലെത്തുന്ന പുതിയ ചിത്രത്തിന് വേണ്ടിയാണ് ഈ മേക്കോവര്‍ എന്നാണ് പ്രേക്ഷക സംസാരം. പതിവിലും കൂടുതല്‍ സുന്ദരിയായിരിക്കുന്ന നിത്യയുടെ പുത്തന്‍ ലുക്കിലുള്ള ചിത്രങ്ങള്‍ സോഷ്യല്‍ മീഡിയ ഏറ്റെടുത്തു കഴിഞ്ഞു.
Post Your Comments