മികച്ച നായക കഥാപാത്രങ്ങളിലൂടെയാണ് സൂപ്പര്‍ താരം വിക്രം കോളിവുഡില്‍ ഇടം നേടിയെടുത്തത്. ഒട്ടേറെ ആരാധകരെ ഇതിനോടകം സൃഷ്ടിച്ച താരത്തിന് തമിഴില്‍ ഇപ്പോഴും ചിത്രങ്ങളെറെയാണ്. ഗൗതം മേനോന്‍റെ ധ്രുവനച്ചത്തിരമെന്ന ചിത്രത്തില്‍ വിക്രം കൂടുതല്‍ പ്രതിഫലം ആവശ്യപ്പെട്ടതായി വാര്‍ത്തകള്‍ വന്നിരുന്നു, എന്നാല്‍ അത്തരമൊരു വാര്‍ത്ത നിഷേധിച്ച് രംഗത്തെത്തിയിരിക്കുകയാണ് ചിത്രത്തിന്റെ നിര്‍മ്മാതാവ്. കൂടുതല്‍ പണം വേണമെന്നു വിക്രം ആവശ്യപ്പെട്ടിട്ടില്ല എന്ന് നിര്‍മ്മതാവ് വ്യക്തമാക്കി. സ്കെച്ച് എന്ന ചിത്രത്തിന് വേണ്ടത്ര സ്വീകാര്യത ലഭിച്ചില്ലെങ്കിലും ആരാധകര്‍ ആകാംഷയോടെ കാത്തിരിക്കുന്ന ചിത്രമാണ്‌ ധ്രുവ നച്ചത്തിരം .
Post Your Comments