മലയാള സിനിമയില്‍ പൃഥ്വിരാജ് അല്‍പം പിന്നിലേക്ക് പോയെങ്കിലും ശക്തമായ തിരിച്ചു വരവോടെ മലയാള സിനിമയില്‍ കളം നിറയാനുള്ള ഒരുക്കത്തിലാണ് താരം. ‘ടിയാന്‍’, ‘വിമാനം’ തുടങ്ങിയ ചിത്രങ്ങുടെ പരാജയമാണ് പൃഥ്വിരാജിന്റെ ഇമേജിന് തിരിച്ചടി നല്‍കിയത്. ‘രണം’ എന്ന ചിത്രത്തിലൂടെയുള്ള താരത്തിന്റെ പുതിയ വരവ് ആക്ഷന്‍ കരുത്ത് സൃഷ്ടിച്ചു കൊണ്ടാണ്. ഹോളിവുഡില്‍ നിന്നുള്ള സംഘമാണ് പൃഥ്വിയെ അടി പഠിപ്പിക്കാനെത്തുന്നത്, ക്രിസ്ത്യന്‍ ബ്രുനെറ്റി എന്ന ഹോളിവുഡിലെ പ്രമുഖ സ്റ്റണ്ട് മാസ്റ്ററാണ് ഇതിനു നേതൃത്വം നല്‍കുന്നത്. നിര്‍മല്‍ സഹദേവ് സംവിധാനം ചെയ്യുന്ന രണത്തിന്‍റെ ചിത്രീകരണം പൂര്‍ണ്ണമായും അമേരിക്കയിലാണ് ചിത്രീകരിക്കുക. ആടും, ആദിയുമൊക്കെ ബോക്സോഫീസില്‍ ചരിത്രം രചിക്കുമ്പോള്‍, സൂപ്പര്‍ താരമെന്ന നിലയില്‍ ഈ വര്‍ഷം വലിയൊരു ഹിറ്റ് ചിത്രം പൃഥ്വിരാജിനു അനിവാര്യമാണ്. രണം എന്ന സിനിമയ്ക്ക് മുന്‍പേ ‘മൈ സ്റ്റോറി’ പ്രദര്‍ശനത്തിനെത്തുമെങ്കിലും മാസ് എലമന്റ്സ് കൂടുതലായുള്ള രണത്തിനു വേണ്ടിയാണ് ആരാധകരുടെ കാത്തിരിപ്പ്. ഈ വര്‍ഷം ചിത്രീകരണം ആരംഭിക്കുന്ന പൃഥ്വിരാജിന്റെ ആട് ജീവിതം 2019-ലെ സൂപ്പര്‍ താരത്തിന്റെ ശ്രദ്ധേയ ചിത്രങ്ങളില്‍ ഒന്നായിരിക്കും.
Post Your Comments