മോഹന്‍ലാല്‍ എന്ന അഭിനയ പ്രതിഭയെക്കുറിച്ച് കൃത്യമായ നിരീക്ഷണം നടത്താത്ത സംവിധായകര്‍ വിരളമാണ്. ഹിറ്റ് മേക്കര്‍ മണിരത്നം ഉള്‍പ്പടെയുള്ളവര്‍ മോഹന്‍ലാലിന്‍റെ അഭിനയ ചാരുതയെക്കുറിച്ച് വാചാലരായിട്ടുണ്ട്. എന്നാല്‍ ക്യാമറമാനും സംവിധായകനുമായ വേണു മോഹന്‍ലാലിലും ഉയര്‍ത്തിപ്പിടിക്കുന്നത് മറ്റൊരു താരത്തെയാണ്‌.
പഴയ മോഹന്‍ലാലിനെയും ഇപ്പോഴുള്ള മോഹന്‍ലാലിനെയും താരതമ്യപ്പെടുത്തുമ്പോള്‍ പഴയ മോഹന്‍ലാല്‍ തന്നെ അതിശയിപ്പിച്ചിരുന്നുവെന്നും വേണു പറയുന്നു ഇപ്പോള്‍ അതിലും തീവ്രമായി തന്നെ വിസ്മയിപ്പിച്ചു കൊണ്ടിരിക്കുന്ന നടന്‍ ഫഹദ് ആണെന്നും വേണു വ്യക്തമാക്കി.
എന്നെ ആദ്യം വിസ്മയിപ്പിച്ചത് തീര്‍ച്ചയായും മോഹന്‍ലാലാണ്. മോഹന്‍ലാല്‍ എന്നെ വിസ്മയിപ്പിച്ചിട്ടുള്ളത് പോലെ വേറെ ആരും വിസ്മയിപ്പിച്ചിട്ടില്ലെന്നും വേണു കൂട്ടിച്ചേര്‍ത്തു. മോഹന്‍ലാലിനെ വച്ച് അന്നൊരു സിനിമ ചെയ്യാന്‍ കഴിഞ്ഞിരുന്നെങ്കില്‍ തീര്‍ച്ചയായും ചെയ്തേനെ എന്നും വേണു പറഞ്ഞു. ഇപ്പോഴത്തെ പ്രധാന എലമെന്റ് മോഹന്‍ലാല്‍ എങ്ങനെ വേണമെന്ന് തീരുമാനിക്കുന്ന കുറേ കൂട്ടം ആളുകളാണെന്നും, അതിനാല്‍ അവര്‍ക്ക് ഇഷ്ടാമാകുന്നൊരു സിനിമ ഉണ്ടാകണമെന്നും പക്ഷെ തനിക്ക് അങ്ങനെയുള്ള ഒരു സിനിമ മോഹന്‍ലാലിനെവച്ച് ചെയ്യാന്‍ താല്‍പര്യമില്ലെന്നും വേണു പറയുന്നു.
കടപ്പാട് ; കൗമുദി ടിവി
Post Your Comments