തമിഴിൽ ചുരുക്കം നാളുകൾകൊണ്ട് ആരാധകരുടെ ഹൃദയം കീഴടക്കിയ താരമാണ് വിജയ് സേതുപതി. അഭിനയം മാത്രമല്ല ആരെയും അമ്പരപ്പിക്കുന്ന വിനയവും പെരുമാറ്റം താരത്തെ മക്കള്‍ സെല്‍വന്‍ ആക്കി.
ഇപ്പോഴിതാ വിജയ് വീണ്ടും ആരാധക ശ്രദ്ധ പിടിച്ചുപറ്റിയിരിക്കുന്നു. ആരാധകരില്ലെങ്കില്‍ താനില്ല എന്ന് പറയുന്ന വിജയ് സേതുപതി ഇപ്പോള്‍ അംഗവൈകല്യമുള്ള ഒരു ആരാധകനൊപ്പം നിലത്തിരുന്ന് എടുത്ത ആ സെല്‍ഫിയാണ് സോഷ്യൽ മീഡിയയിൽ ശ്രദ്ധിക്കപ്പെട്ടത്.
അംഗവൈകല്യമുള്ള ആരാധകന് ഫോട്ടോ എടുക്കാനായി എഴുന്നേറ്റ് താരത്തിന്റെ തോളോട് ചേര്‍ന്നു നില്‍ക്കാനാകില്ലെങ്കിലും താരത്തിന് നിലത്തിരുന്ന് ആരാധകന്റെ കൂടെ ഫോട്ടോ എടുക്കാനാകുമെന്ന് അദ്ദേഹത്തിന്റെ പ്രവര്‍ത്തി തന്നെ തെളിയിച്ചിരിക്കുകയാണ്. നിലത്തിരുന്ന വിജയ് ആരാധകന്റെ ഫോണ്‍ കൈയ്യില്‍ വാങ്ങി ഫോട്ടോ പകര്‍ത്തുകയായിരുന്നു. അതിനുശേഷം ആരാധകന്റെ കവിളില്‍ ഉമ്മവച്ച്‌ സെല്‍ഫിയെടുക്കുകയും ചെയ്തു.
Post Your Comments