ജീവ നായകനാകുന്ന പുതിയ തമിഴ് ചിത്രം കീയുടെ ഓഡിയോ ലോഞ്ചിനിടയിൽ നിർമ്മാതാക്കൾ തമ്മിൽ തർക്കം.നിർമ്മാതാക്കളുടെ സംഘടനയിലെ പ്രശ്നങ്ങൾ ചൂണ്ടിക്കാട്ടിയായിരുന്നു തർക്കം ഉണ്ടായത്.സംഭവം കണ്ട് നടൻ വിജയ് സേതുപതി ക്ഷുഭിതനായി.
ചടങ്ങില്‍ സംസാരിക്കാന്‍ അവസരം കിട്ടിയപ്പോള്‍ നിര്‍മ്മാതാക്കളുടെ സംഘടനാ പ്രശ്‌നങ്ങള്‍ സ്വകാര്യ യോഗത്തിലാണ് പരിഹരിക്കേണ്ടതെന്നും അതിന് ഒരു പൊതുചടങ്ങ് അല്ല ഉപയോഗിക്കേണ്ടതെന്നും സേതുപതി പറഞ്ഞു. ഞാനിവിടെ വന്നപ്പോള്‍ നിര്‍മ്മാതാക്കളുടെ സംഘടനാ യോഗത്തിനാണോ ഓഡിയോ ലോഞ്ചിനാണോ വന്നതെന്ന് അത്ഭുതപ്പെട്ടു പോയെന്നും ഇത്തരം സംഭവങ്ങള്‍ നിരാശപ്പെടുത്തിയെന്നും അദ്ദേഹം പറഞ്ഞു.
‘പൊതുജനങ്ങള്‍ക്കിടയില്‍ സിനിമക്കാരെക്കുറിച്ച് മോശമായ അഭിപ്രായം ഉണ്ടാകാന്‍ ഇത്തരം സംഭവങ്ങള്‍ ഇടയാക്കും. സിനിമയുമായി ബന്ധപ്പെട്ട ആളുകള്‍ ഓരോരുത്തരും കഷ്ടപ്പെട്ടാണ് സിനിമ വിജയിപ്പിക്കാന്‍ ശ്രമിക്കുന്നത്. ഇന്‍ഡസ്ട്രി സക്‌സസ്ഫുളായ ആളുകളഎ മാത്രമെ ബഹുമാനിക്കുകയുള്ളു. നിങ്ങള്‍ എത്ര വലിയ താരമാണെങ്കിലും നാല് പടം തുടരെ പൊട്ടിയാല്‍ നിങ്ങള്‍ ഇന്‍ഡസ്ട്രിയില്‍നിന്ന് ഔട്ടാണ്. അതുകൊണ്ട് നമുക്ക് പരസ്പര ബഹുമാനത്തോടെ സംസാരിക്കാം’ – വിജയ് സേതുപതി പറഞ്ഞു.ചിത്രത്തിൽ വില്ലൻ വേഷത്തിൽ എത്തുന്നത് മലയാളീ താരം ജി.പി യാണ്.
Post Your Comments