നെഗറ്റിവ് ഇമേജിന്റെ പേരിലാണ് ഒമര്‍ ലുലു ചിത്രങ്ങള്‍ സോഷ്യല്‍ മീഡിയയില്‍ വലിയ ശ്രദ്ധ നേടുന്നത്. ഒരു കൂട്ടം യുവ താരങ്ങളെ അണിനിരത്തി ഒമര്‍ സംവിധാനം ചെയ്ത ‘ചങ്ക്സ്’ ബോക്സോഫീസില്‍ വിജയം നേടിയേങ്കിലും അശ്ലീല പദപ്രോഗത്തിന്റെ പേരില്‍ ഒട്ടേറെ വിമര്‍ശനങ്ങള്‍ ഉയര്‍ന്നിരുന്നു. എന്നാല്‍ അതൊന്നും വക വയ്ക്കാതെയാണ് ഒമര്‍ ലുലുവിന്റെ അടുത്ത വരവ്. ‘ഒരു അഡാറ് ലവ്’ എന്ന് പേരിട്ടിരിക്കുന്ന ചിത്രത്തില്‍ ഏറെയും പുതുമുഖങ്ങളാണ്.
ഔസേപ്പച്ചന്‍ വാളക്കുഴി നിര്‍മ്മിക്കുന്ന ചിത്രത്തിന്റെ തിരക്കഥ സാരംഗ് ജയപ്രകാശ്, ലിജോ പനാടന്‍ എന്നിവര്‍ ചേര്‍ന്നാണ് നിര്‍വഹിക്കുന്നത്. തൃശൂരില്‍ സിനിമയുടെ ചിത്രീകരണം പുരോഗമിക്കുന്നു. നാല് പ്ലസ്ടു വിദ്യാര്‍ത്ഥികളുടെ സ്കൂള്‍ ജീവിതമാണ്‌ ചിത്രത്തിന്റെ പ്രമേയം.
Post Your Comments