ദിലീപ് ചിത്രത്തിലെ നായിക പ്രിയ ഇപ്പോള്‍ എവിടെ?

പല ബോളിവുഡ് താരങ്ങളും മലയാള ചിത്രത്തില്‍ അഭിനയിച്ചിട്ടുണ്ട്.  ചിലര്‍ ഭാഗ്യം കൊണ്ട് വീണ്ടും വീണ്ടും അവസരങ്ങള്‍ നേടി സിനിമയില്‍ സജീവമായി. എന്നാല്‍ പ്രിയദര്‍ശന്‍ സംവിധാനം ചെയ്ത മേഘം എന്ന ചിത്രത്തില്‍ ദിലീപിന്റെ നായികയായി എത്തിയ പ്രിയ ഗില്‍ എന്ന നടിയെ പിന്നീട് മലയാള സിനിമയില്‍ കണ്ടില്ല.

തൊണ്ണൂറുകളില്‍ ബോളിവുഡിലെ സ്ഥിരം നായികയായിരുന്നു പ്രിയ. മലയാളം തമിഴ് തുടങ്ങിയ ഭാഷകളില്‍ അഭിനയിച്ച പ്രിയ ഇപ്പോള്‍ സിനിമയില്‍ സജീവമല്ല. സർഫ് ടും, ടെരേ മെരേ സാപ്നെ, ജോഷ് തുടങ്ങിയ സിനിമകളില്‍ ശ്രദ്ധേയ വേഷം ചെയ്ത പ്രിയ സിനിനയില്‍ പ്രശസ്തിയിലും തിരക്കിലും നില്‍ക്കുന്നസ്ഥിനിടയിലാണ് അപ്രത്യക്ഷയായത്.

പഞ്ചാബിൽ നിന്നും എത്തിയ നടിയാണ് പ്രിയ ഗിൽ. തമിഴ്, മലയാളം, തെലുങ്ക് ഭാഷകളിലായി നിരവധി ചിത്രങ്ങളില്‍ അഭിനയിച്ച പ്രിയ 1995 ലെ മിസ്സ് ഇന്ത്യ റണ്ണറപ്പ് കൂടിയാണ്. സൽമാൻ ഖാൻ , ഷാരൂഖ് ഖാൻ എന്നിവരോടൊപ്പം ബോളിവുഡില്‍ തിളങ്ങിയ നടി മമ്മൂട്ടി ചിത്രമായ മേഘത്തിലൂടെ മലയാളികള്‍ക്കും പരിചിതയായി. ചിത്രത്തില്‍ ദിലീപിന്റെ നായികയായാണ്‌ താരം എത്തിയത്.

1996 മുതൽ 2006 വരെ സിനിമാ മേഖലയില്‍ സജീവമായിരുന്ന പ്രിയയുടെ അവസാന ചിത്രം ഭൈരവി ആയിരുന്നു. സിനിമാ ജീവിതത്തില്‍ തന്റേതായ ശൈലി പിന്തുടര്‍ന്നിരുന്ന ഈ നടി ഗോസിപ്പ് കോളങ്ങളില്‍ പേര് പതിപ്പിച്ചിരുന്നില്ല. നടി വിവാഹിത ആയോ അതുകൊണ്ടാണോ സിനിമയില്‍ നിന്നും പിന്മാറിയതെന്നു ഇപ്പോഴും അറിയില്ല.

 

SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍ LINK TO DONATE : https://goo.gl/oKHre2