പെപ്പയുടെ കാമുകിയായിരുന്ന ഈ സുന്ദരിയെ ഓര്‍മ്മയുണ്ടോ?

പെപ്പ എന്ന കഥാപാത്രത്തെ അറിയാത്ത സിനിമാപ്രേമികള്‍ കുറവായിരിക്കും. എന്നാല്‍ എത്രപേര്‍ക്ക് അറിയാം പെപ്പയുടെ കാമുകിയായ സഖിയെ.
പുതുമുഖങ്ങളെ ഉള്‍പ്പെടുത്തി ലിജോ ജോസ് പെല്ലിശ്ശേരി സംവിധാനം ചെയ്ത അങ്കമാലി ഡയറീസ് എന്ന ചിത്രത്തിലെ കഥാപാത്രങ്ങളാണ് പെപ്പയും സഖിയും. നായകനായി അഭിനയിച്ച ആന്റണി വര്‍ഗീസും, വില്ലനായി തകര്‍ത്ത അപ്പാനി രവി എന്ന ശരത് കുമാറും രേഷ്മ അന്ന രാജനും ഒക്കെ ഈ ചിത്രത്തിലൂടെ ശ്രദ്ധിക്കപ്പെട്ടു. നായകന്‍റെ കാമുകിയായി മികച്ച അഭിനയം കാഴ്ച വെച്ച സഖിയെന്ന കഥാപാത്രത്തെ അവതരിപ്പിച്ച ബിന്നിയ്ക്ക് പിന്നീട് അവസരങ്ങള്‍ ഉണ്ടായില്ല. ബിന്നിയുടെ ആദ്യ ചിത്രം കൂടിയായിരുന്നു അങ്കമാലി ഡയറീസ്.

കോട്ടയം കാരിയായ ബിന്നി ഇപ്പോള്‍ ഒരു സ്വകാര്യ കമ്പനിയില്‍ ജോലി നോക്കുകയാണ്. കൂടാതെ മോഡലിംഗിലും പരസ്യ ചിത്രങ്ങളിലും ആല്‍ബങ്ങളിലും ഒക്കെ അഭിനയിക്കാന്‍ ബിന്നിക്ക് താത്പര്യമുണ്ട്. ഓഡിഷനിലൂടെയാണ് അങ്കമാലി ഡയറീസില്‍ അഭിനയിക്കാന്‍ അവസരം ലഭിക്കുന്നത്. ആദ്യ വേഷം ശ്രദ്ധിക്കപ്പെട്ടുവെങ്കിലും തുടര്‍ന്ന് നല്ല അവസരങ്ങള്‍ ഈ നടിയെ തേടി വന്നില്ല. നല്ല കഥാപാത്രങ്ങള്‍ ലഭിക്കുകയാണെങ്കില്‍ സിനിമയില്‍ തന്നെ തുടരാനാണ് ബിന്നിയുടെ ആഗ്രഹം. വലിയ നായക സങ്കല്പങ്ങള്‍ ഒന്നും തന്നെയില്ലെന്നും, നല്ല കഥാപാത്രങ്ങള്‍ക്ക് വേണ്ടിയുള്ള കാത്തിരിപ്പിലാണ് താനെന്നും ബിന്നി പറയുന്നു.