‘പുലി പതുങ്ങിയത് ഒളിക്കാനല്ല കുതിക്കാനാണ്’; താരമൂല്യമേറുന്ന താരം!

താരമൂല്യത്തിന്‍റെ കാര്യത്തില്‍ ജയസൂര്യ ഒന്നാം നിരയിലേക്ക്. ‘ആട്-2’ എന്ന ചിത്രം സൂപ്പര്‍ ഡ്യൂപ്പര്‍ ഹിറ്റായാതോടെ ജയസൂര്യയുടെ തലവര തെളിഞ്ഞിരിക്കുകയാണ്. പ്രജേഷ് സെന്‍ സംവിധാനം ചെയ്യുന്ന ‘ക്യാപ്റ്റന്‍’ എന്ന ചിത്രത്തിന്‍റെ ടീസര്‍ കഴിഞ്ഞ ദിവസം പുറത്തിറങ്ങിയതോടെ താരത്തിന്റെ ആരാധകരും ആവേശത്തിലാണ്. രഞ്ജിത്ത് ശങ്കര്‍ അടുത്തതായി സംവിധാനം ചെയ്യുന്ന ‘ഞാന്‍ മേരീക്കുട്ടി’ എന്ന ചിത്രത്തിലും ജയസൂര്യയാണ് നായക കഥാപാത്രമായി എത്തുന്നത്.

‘പുണ്യാളന്‍ 2’വിന്റെ ഭേദപ്പെട്ട വിജയവും, ‘ആട്- 2’വിന്റെ ഗംഭീര വിജയവും ജയസൂര്യ എന്ന നടനാണ്‌ കൂടുതല്‍ ഗുണം ചെയ്തിരിക്കുന്നത്. താരം പ്രതിഫലത്തിന്റെ കാര്യത്തില്‍ വരെ മാറ്റം വരുത്തിയെന്നും റിപ്പോര്‍ട്ടുകളുണ്ട്. വാണിജ്യവിജയം കൊയ്യുന്ന വലിയ സിനിമകളുടെ ഭാഗമാകാത്ത ജയസൂര്യ ആ റൂട്ടിലേക്കും സഞ്ചാരം നടത്തി കഴിവ് തെളിയിച്ചിരിക്കുകയാണ്, താരത്തിന്റെ തുടക്കകാലത്ത് ‘പുലിവാല്‍ കല്യാണം’, ‘ചതിക്കാത്ത ചന്തു’ പോലെയുള്ള പണംവാരി സിനിമകളില്‍ നായകനായി എത്തിയെങ്കിലും കൊമെഴ്സിയല്‍ സിനിമകളുടെ സ്റ്റൈലിലേക്ക് അധിക നാള്‍ തുടരനായില്ല, മോശം ചിത്രങ്ങളുടെ കനം ഏറി വന്നതോടെ കൂടുതല്‍ സെലക്ടീവായ ജയസൂര്യ വലിയ ബഹളങ്ങളില്ലാത്ത ഒതുക്കമുള്ള സിനിമകള്‍ മാത്രം ചെയ്തു ശീലിച്ചു, പുലി പതുങ്ങുന്നത് ഒളിക്കാനല്ല, കുതിക്കാനാണ് എന്ന് പറയുന്നത് പോലെ മറ്റു താരങ്ങള്‍ക്കൊപ്പം ജയസൂര്യയും കുതിച്ചെത്തിയിരിക്കുകയാണ്.