മലയാള സിനിമയില്‍ പുതുമുഖ നടിമാരെ പരിചയപ്പെടുത്തിയ ഒരു സംവിധായകനാണ് ലോഹിതദാസ്. മഞ്ജുവാര്യര്‍, സംയുക്ത, മീര ജാസ്മിന്‍ തുടങ്ങി ഒരു പിടി നടിമാരെ ലോഹിതദാസ് മലയാള സിനിമയ്ക്ക് സംഭാവന ചെയ്തു. ഇവരില്‍ പലരും വിവാഹത്തോടെ സിനിമയില്‍ നിന്നും അകന്നു.
വര്‍ഷങ്ങള്‍ക്ക് ശേഷം മഞ്ജുവാര്യര്‍ സിനിമയില്‍ തിരിച്ചെത്തി. ഇടവേളയ്ക്ക് ശേഷം തിരിച്ചെത്തിയ താരം മലയാള സിനിമയിലെ ലേഡി സൂപ്പര്‍സ്റ്റാര്‍ പട്ടം നേടി തന്റെ താര പദവി നിലനിര്‍ത്തി. എന്നാല്‍ ഇപ്പോള്‍ പുറത്തു വരുന്ന വാര്‍ത്ത ലോഹിതദാസിന്റെ മറ്റൊരു നായിക മീരാ ജാസ്മിന്‍ വീണ്ടും സിനിമയില്‍ സജീവമാകാന്‍ ഒരുങ്ങുന്നു എന്നതാണ്.
മീര ജാസ്മിനെ കേന്ദ്ര കഥാപാത്രമാക്കിയുള്ള സിനിമയുടെ കഥയും അണിയറയില്‍ റെഡിയായി വരുന്നതായാണ് റിപ്പോര്‍ട്ടുകള്‍. മലയാളത്തില്‍ നിരവധി സൂപ്പര്‍ ഹിറ്റുകള്‍ സമ്മാനിച്ച കമ്പനിയാണ് സിനിമാ നിര്‍മാണത്തിനു പിന്നില്‍.
SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍ 
LINK TO DONATE : https://goo.gl/oKHre2
Post Your Comments