നാല്‍പത് കോടിയുടെ നിറവില്‍ മമ്മൂട്ടി ചിത്രം

ക്രിസ്മസ് അവധിക്കാലം ആഘോഷിക്കാന്‍ എത്തിയ മമ്മൂട്ടി ചിത്രം മാസ്റ്റര്‍പീസ് മെഗാഹിറ്റിലേക്ക് കുതിക്കുന്നു. നാല്‍പത് കോടി രൂപയുടെ ടോട്ടല്‍ ബിസിനസ് ചിത്രത്തിന് നേടാനായി എന്ന് ചിത്രത്തിന്റെ ഔദ്യോഗിക വിതരണക്കാരായ റോയല്‍ സിനിമാസ്.

രാജാധിരാജയ്ക്ക് ശേഷം അജയ് വാസുദേവ് സംവിധാനം ചെയ്ത ചിത്രമാണ് മാസ്റ്റര്‍പീസ് . സ്റ്റൈലിഷ് പ്രൊഫസറായ എഡിയായാണ് മമ്മൂട്ടി ചിത്രത്തില്‍ എത്തിയത്. ഉണ്ണി മുകുന്ദന്‍ , ഗോകുല്‍ സുരേഷ്ഗോപി , മക്ബൂല്‍ സല്‍മാന്‍ , വരലക്ഷ്മി , മുകേഷ് തുടങ്ങി വമ്ബന്‍ താരനിര തന്നെയാണ് അണിനിരന്നത്. മാസ്റ്റര്‍പീസ് ആഗോളതലത്തില്‍ 13,000 ഷോകള്‍ പൂര്‍ത്തിയാക്കി. തിങ്കളാഴ്ചയോടെ കേരളത്തില്‍ മാത്രം ചിത്രം 10,000 ഷോകള്‍ മാസ്റ്റര്‍പീസ് പൂര്‍ത്തിയാക്കിയിട്ടുണ്ട്. റിലീസ് ചെയ്ത ആദ്യ മൂന്ന് ദിവസം കൊണ്ട് 10 കോടിയാണ് ചിത്രം വാരിയത്.ജിസിസിയിലും ചിത്രത്തിനു മികച്ച പ്രതികരണമാണ് ലഭിക്കുന്നത്.

ആദ്യ ദിനം തന്നെ 5.1 കോടി നേടി മലയാളത്തില്‍ ആദ്യ ദിനം ഏറ്റവും കൂടുതല്‍ കളക്ഷന്‍ നേടുന്ന ചിത്രമെന്ന റെക്കോര്‍ഡ് സിനിമ സ്വന്തമാക്കിയിരുന്നു. ഗ്രേറ്റ്ഫാദറിന് ശേഷം മമ്മൂട്ടി ചിത്രത്തിന്റെ മികച്ച കലക്ഷന്‍ കൂടിയാണിത്.

SUPPORT : ക്യാന്‍സറിനോട് മല്ലിടുന്ന നാലുവയസ്സുകാരി; സഹായം അഭ്യര്‍ഥിച്ച് മാതാപിതാക്കള്‍ LINK TO DONATE : https://goo.gl/oKHre2