പലപ്പോഴും സിനിമാ ലോകത്ത് താന്‍ നേരിടേണ്ടി വന്ന അവഗണനകളെക്കുറിച്ചു തുറന്നു പറഞ്ഞ് ബോളിവുഡ് നടന് അക്ഷയ്കുമാര്‍. കരിയറിന്റെ തുടക്കകാലത്ത് തന്നെ ആരും പരിഗണിച്ചിരുന്നില്ലെന്നും ഒരു വരുത്തനെ പോലെയാണ് സിനിമാ ലോകത്തുല്ലാവരും സഹപ്രവര്‍ത്തകരും തന്നെ കണക്കാക്കിയിരുന്നതെന്നും നടന് പറയുന്നു. തൊട്ടുമുന്‍പു ചെയ്ത ചിത്രത്തിന്റെ ബോക്സ്‌ഓഫീസ് പ്രകടനമാണ് പലപ്പോഴും പിന്നീടുവന്ന ചിത്രങ്ങളില്‍ ഒപ്പമുള്ള പ്രവര്‍ത്തകരുടെ പെരുമാറ്റം നിശ്ചയിച്ചിരുന്നതെന്നും താരം പറയുന്നു.
‘എന്നെ മാറ്റിനിര്‍ത്തിയിട്ടുണ്ടെന്നത് സത്യം തന്നെയാണ്. രണ്ടുനായകന്‍മാരുള്ള ചിത്രങ്ങളില്‍ അഭിനയിക്കുമ്പോള്‍ സിനിമയില്‍ തുല്യ പ്രാധാന്യമുള്ള വേഷങ്ങളിലാണെത്തുന്നതെങ്കിലും ഒപ്പമുള്ള നടന് സ്യൂട്ട് റൂം താമസത്തിനായി ലഭിക്കുമ്പോള്‍ എനിക്ക് ലഭിച്ചിരുന്നത് സിംഗിള്‍ റൂം ആയിരുന്നു. അദ്ദേഹത്തിന് നല്ല കാര്‍ യാത്രയ്ക്കായി വിട്ടുനല്‍കിയിരുന്നപ്പോള്‍ എന്നോട് ആവശ്യപ്പെട്ടിരുന്നത് ബസ്സില്‍ സഞ്ചരിക്കാനാണ്’, അക്ഷയ് പറയുന്നു.
ബോക്സ്‌ഓഫീസില്‍ ഒരു ചിത്രം വലിയ വിജയം നേടിയതോടെ ഈ അവഗണനയ്ക്ക് വളരെപെട്ടെന്ന് മാറ്റം വരുകയായിരുന്നെന്നും അക്ഷയ് പറഞ്ഞു. ‘എന്റെ സിനിമ മികച്ച അഭിപ്രായം നേടിയാല്‍ എനിക്ക് വലിയ മുറിയില്‍ താമസിക്കാന്‍ കഴിയും, ബിസിനസ് ക്ലാസില്‍ നിന്ന് ഫസ്റ്റ് ക്ലാസിലേക്ക് തട്ടികളിച്ചിട്ടുള്ള എനിക്ക് സിനിമ വിജയിച്ചാല്‍ പ്രൈവറ്റ് ജറ്റ് വരെ ക്രമീകരിച്ച്‌ നല്‍കിയിട്ടുണ്ട്’, അക്ഷയ് പറയുന്നു.
Post Your Comments