ബാലതാരമായി പ്രേക്ഷക മനസ്സില്‍ ചിരപ്രതിഷ്ഠ ഇടം നേടിയ ഒരു താരമാണ് ശ്യാമിലി. ബാലതാരത്തില്‍ നിന്നും വര്‍ഷങ്ങള്‍ക്ക് ശേഷം നായികയായി സിനിമയിലേക്ക് തിരിച്ചെത്തിയ താരം വീണ്ടും സിനിമയില്‍ നിന്നും ഇടവേളയെടുത്തു. ഇപ്പോള്‍ സിനിമയിലേയ്ക്ക് തിരിച്ചു വരുന്ന തിരക്കിലാണ് ശ്യാമിലിയെന്നു റിപ്പോര്‍ട്ടുകള്‍.
ഭരതന്‍ സംവിധാനം ചെയ്ത മാളൂട്ടിയിലൂടെ കേരള സര്‍ക്കാരിന്റെ മികച്ച ബാലതാരത്തിനുള്ള സംസ്‌കാര പുരസ്‌കാരം നേടിയ ശ്യാമിലി പൂക്കാലം വരവായി, കിലുക്കാംപെട്ടി, നിര്‍ണ്ണയം, ഹരികൃഷ്ണന്‍സ് തുടങ്ങിയ ചിത്രങ്ങള്‍ക്ക് ശേഷം സിനിമയില്‍ നിന്നും ഇടവേളയെടുത്തിരുന്നു. പിന്നീട് ഒയ് എന്ന തെലുങ്ക് ചിത്രത്തിലെ നായികയായാണ് ശ്യാമിലി തിരിച്ചെത്തിയത്. അതിന് ശേഷം റിഷി ശിവകുമാര്‍ ചെയ്ത വള്ളീം തെറ്റി പുള്ളീം തെറ്റി എന്ന സിനിമയിലൂടെ മലയാളത്തിലേക്കും എത്തി. വീര്‍ ശിവജി എന്ന തമിഴ് സിനിമയിലും താരം അഭിനയിച്ചിരുന്നു.
ചെറിയ ഇടവേളയ്ക്ക് ശേഷം ശ്യാമിലി വീണ്ടും സിനിമയിലേക്ക് തിരിച്ചെത്തുകയാണ്. തെലുങ്ക് ചിത്രത്തിലൂടെയാണ് താരം തിരിച്ചെത്തുന്നതെന്നുള്ള റിപ്പോര്‍ട്ടുകളാണ് പുറത്തുവന്നിട്ടുള്ളത്.
Post Your Comments