സ്വന്തമായ അഭിനയ ശൈലികൊണ്ട് തമിഴില്‍ തന്റേതായ സ്ഥാനം നേടിയെടുത്ത സൂപ്പര്‍ താരമാണ് വിജയ് സേതുപതി. താരജാഡയില്ലാതെ സിമ്പിളായി സംസാരിക്കുന്ന സേതുപതി സിനിമയ്ക്ക് പുറത്തും പ്രേക്ഷകരുടെ ഹീറോയാണ്.
പുരസ്കാരങ്ങളില്‍ തനിക്ക് താല്‍പര്യമില്ലെന്ന് വ്യക്തമാക്കുകയാണ് വിജയ് സേതുപതി. ഇന്ത്യയിലെ മഹാനടന്മാരില്‍ ഒരാളായ ശിവാജി ഗണേശന്റെ പേരെടുത്തു പറഞ്ഞു കൊണ്ടാണ് വിജയ് സേതുപതി അവാര്‍ഡുകളില്‍ താല്‍പര്യമില്ലെന്ന അഭിപ്രായം പങ്കുവച്ചത്.
“നടികർ തിലകം ശിവാജി ഗണേശന് ദേശീയ അവാർഡ് ലഭിച്ചിട്ടില്ല. അദ്ദേഹത്തിന് പകരമായി മറ്റൊരു നടനില്ല, എല്ലാ നടന്മാർക്കും ശിവാജി ഗണേശൻ ഒരു ഡിക്ഷണറിയാണ്, അദ്ദേഹത്തിനു ലഭിച്ചിട്ടില്ലാത്ത അവാര്‍ഡ്‌ എനിക്കെന്തിനാണ്‌?”
അടുത്തിടെ ഒരു മാധ്യമത്തിനു നല്‍കിയ അഭിമുഖത്തിലായിരുന്നു വിജയ് സേതുപതിയുടെ പ്രതികരണം.
Post Your Comments